અમદાવાદ : શહેર કોટડાની ડોશીમિયાની ચાલમાં જુથ અથડામણ, પથ્થરમારામાં અનેક લોકો ઘવાયાં

રાજયભરમાં જન્માષ્ટમીના પર્વની ઉજવણીનો થનગનાટ છે તેવામાં કેટલાક અસમાજીક તત્વોએ અમદાવાદ શહેરની શાંતિને પલિતો ચાંપવાનો પ્રયાસ કર્યો છે. કોટડા વિસ્તારની ડોશીમિયાની ચાલમાં બે જુથો આમને સામને આવી જતાં પથ્થરમારો થયો હતો.

એક બાજુ તહેવારોની સીઝન ચાલી રહી છે તો બીજી બાજુ અમદાવાદ શહેરકોટડા વિસ્તારમાં ગત રાત્રે પથ્થરમારાની ઘટના સામે આવી છે.શહેર કોટડા વિસ્તારની ડોશી મિયાની ચાલી પાસે ગત રાત્રીના સમયે બે જુથ વચ્ચે નજીવી બાબતે તકરાર થઈ હતી. આ તકરારમાં બંને જુથના લોકોએ એકબીજા પર પથ્થરમારો કરતાં વાતાવરણ તંગ બની ગયું હતું. પથ્થરમારામાં કેટલાક લોકોને નાની-મોટી ઈજાઓ થઈ હતી તેમને સારવાર અર્થે નજીકની ખાનગી હોસ્પિટલમાં ખસેડવામાં આવ્યા છે. ડોસીમિયાની ચાલ વિસ્તારમાં પરિસ્થિતિને નિયંત્રણમાં લેવા માટે પોલીસનો કાફલો ખડકી દેવામાં આવ્યો છે. પોલીસે શહેરના વાતાવરણને ડહોળવાનો પ્રયાસ કરનારા અસામાજીક તત્વોને ઝડપી પાડવાની કવાયત હાથ ધરી છે......