અમદાવાદ: પેરલિમ્પિકમાં દેશને સિલ્વર મેડલ અપાવનાર ભાવિના પટેલને રાજ્ય સરકાર દ્વારા રૂ.3 કરોડનો ચેક અર્પણ કરાયો

જાપાનના ટોકિયો પેરાલિમ્પિકમાં અમદાવાદની ભાવિના પટેલે સિલ્વર મેડલ હાંસલ કરી દેશનું ગૌરવ વધાર્યું હતું ત્યારે આજરોજ રાજ્યના રમત ગમત પ્રધાન હર્ષ સંઘવીએ ભાવિનાના ઘરે પહોંચી સરકાર તરફથી પૂરષ્કારના ભાગરૂપે રૂ.3 કરોડનો ચેક અર્પણ કર્યો હતો

જાપાનના ટોકિયો પેરાલિમ્પિકમાં અમદાવાદની દીકરી ભાવિના પટેલે દેશનું નામ સમગ્ર વિશ્વમાં રોશન કર્યું હતું. ટેબલ ટેનિસના મહિલા સિંગલ્સમાં વર્ગ-4 કેટેગરીમાં ભારતને પ્રથમ સિલ્વર મેડલ અપાવ્યો હતો. મેડલ જીતવા બદલ દેશભરમાંથી ભાવિના પટેલ ને શુભેચ્છા આપવામાં આવી હતી ત્યારે રાજ્ય સરકારે રૂ. ૩ કરોડની સહાય આપવાની જાહેરાત કરી હતી. જે અંતર્ગત રમતગમત અને યુવા સાંસ્કૃતિક મંત્રી હર્ષ સંઘવીએ ભાવિનાના ઘરે જઈને તેમને ૩ કરોડનો ચેક આપ્યો હતો. હર્ષ સંઘવીએ ભાવિના પટેલના ઘરે જઈને તેમની સાથે બેસીને તેમને શુભેચ્છાઓ આપી હતી અને પેરા ઓલિમ્પિક અંગે વાતચીત કરી હતી બાદમાં તેમના સિલ્વર મેડલ અંગે પણ ચર્ચા કરી હતી. જે બાદ સરકાર દ્વારા કરાયેલ ૩ કરોડની જાહેરાતનો ચેક પણ આપ્યો હતો આ ઉપરાંત હર્ષ સંઘવીએ ભાવિના પટેલ તેમના ઘરે જ્યાં પ્રેક્ટીસ કરતા હતા તે ટેબલ ટેનિસની જગ્યા પણ મુલાકાત લીધી હતી. હર્ષ સંઘવીએ જણાવ્યું હતું કે આજે ભાવિના પટેલના ઘરે આવ્યો તેનો ખૂબ આનંદ છે. રાજ્ય સરકાર વતી ઇનામ નહિ પરંતુ ૩ કરોડનો ચેક ગૌરવના રૂપે આપવામાં આવ્યો છે.આજે ભાવિના પટેલના ઘરેથી કંઈક શીખી જાવ છું. ભાવિના પાસેથી પણ ઘણા સૂચનો મળ્યા છે. આગામી દિવસમાં તે મુદ્દો ચર્ચામાં મુકવામાં આવશે