અર્થતંત્રને મજબૂત બનાવતી IT કંપનીઓ, ઈન્ફોસિસ આપશે 55,000 નોકરીઓ

કોરોના યુગમાં પણ IT કંપનીઓ દેશની અર્થવ્યવસ્થાને સતત મજબૂત કરી રહી છે. દેશની અગ્રણી સોફ્ટવેર કંપની ઈન્ફોસિસનું કહેવું છે કે ચાલુ નાણાકીય વર્ષમાં 55,000થી વધુ નવા લોકોને નોકરી પર લેવામાં આવશે.

આઈટી ક્ષેત્રની અગ્રણી ઈન્ફોસિસના ચીફ ફાઈનાન્સિયલ ઓફિસર (સીએફઓ) નીલંજન રોય કહે છે કે કંપનીના ટેલેન્ટ પૂલને વધારવા અને સુધારવામાં રોકાણએ કંપનીની પ્રાથમિકતા રહેશે. તેના ગ્લોબલ હાયરિંગ પ્રોગ્રામ હેઠળ કંપની નાણાકીય વર્ષ 2021-2022માં 55,000 થી વધુની ભરતી કરવા જઈ રહી છે. TCS, Infosys અને Wipro જેવી મોટી કંપનીઓએ બુધવારે તેમના ત્રિમાસિક પરિણામો જાહેર કર્યા. આ ત્રણેય કંપનીઓ ઓક્ટોબર-ડિસેમ્બર 2021માં જંગી નફામાં રહી છે. નાણાકીય વર્ષ 2020-21ના સમાન સમયગાળામાં ઇન્ફોસિસનો ચોખ્ખો નફો રૂ. 5,197 કરોડ હતો, જે હવે વધીને રૂ. 5,809 કરોડ થયો છે. તેવી જ રીતે TCSએ આ સમયગાળામાં રૂ. 9,769 કરોડ અને વિપ્રોએ રૂ. 2,970 કરોડનો ચોખ્ખો નફો મેળવ્યો છે.