ભાવનગર: માસ્ક પહેરી ખેલૈયાઓ ગરબે ઘૂમ્યા,સુરક્ષા સાથે માતાજીની આરાધના

કોરોના મહામારી વચ્ચે ભાવનગરમાં યોજાતા શેરી ગરબામાં ખેલૈયાઓ માસ્ક પહેરી ગરબે ઘૂમ્યા હતા અને અન્ય લોકોને પણ માસ્ક પહેરવાનો સંદેશ આપ્યો હતો. માં આદ્યશક્તિ ના આરાધનાનું પર્વ એટલે નવરાત્રી. નવલી નવરાત્રીમાં શેરી ગરબાના આયોજનને સરકાર મંજૂરી આપવામાં આવી છે ત્યારે ભાવનગર શહેરમાં વિવિધ સ્થળોએ શેરી ગરબાનું આયોજન કરવામાં આવ્યું છે જેમાં ભાવનગર શહેરના બોલટલવ વિસ્તરમાં સરદાર સોસાયટી 2માં પણ ગરબાનું આયોજન કરવામાં આવ્યું છે જ્યાં ખેલૈયાઓએ ગરબામાં રમઝટ બોલાવી હતી. કોરોના મહામારી વચ્ચે ખેલૈયાઓએ માસ્ક પહેરી ગરબાની રંગત જમાવી હતી અને અન્ય લોકોને પણ માસ્ક પહેરવાનો સંદેશ આપ્યો હતો