શિયાળામાં કરો આ 5 રીતે હળદરનું સેવન,જાણો કેવી રીતે

શિયાળાની ઋતુ એક તરફ તમને કાળઝાળ ગરમીથી રાહત આપે છે, તો સાથે સાથે અનેક મોસમી રોગો પણ લઈને આવે છે. પરંતુ જો તમે તેનાથી છુટકારો મેળવવા માટેના ઘરેલું ઉપાયો વિશે જાણો છો હળદર એ દરેક ભારતીય ઘરોમાં હાજર શ્રેષ્ઠ ઉપાયોમાંથી એક છે. હળદર તેના ઔષધીય ગુણધર્મોને કારણે ભારતીય પરંપરાગત દવાઓનો એક ભાગ છે. તે કુદરતી એન્ટીઑકિસડન્ટ છે અને તેમાં બળતરા વિરોધી ગુણધર્મો પણ છે. હળદર સામાન્ય શરદી, સાઇનસ, પીડાદાયક સાંધા અને અપચો મટાડવામાં મદદ કરે છે. તે ગળામાં ખરાશ અને બેક્ટેરિયલ ચેપથી પણ રાહત આપે છે, જે શિયાળા દરમિયાન સામાન્ય છે. તમે તમારા રોજિંદા આહારમાં હળદરનો પણ સમાવેશ કરી શકો છો. તો શિયાળા દરમિયાન હળદરનો 5 અલગ અલગ રીત થી ઉપયોગ કરી શકાય છે.

1. હળદરવાળું દૂધ :-

જો તમે હળદરના દૂધને વધુ રસપ્રદ બનાવવા માંગો છો, તો નારિયેળના દૂધનો ઉપયોગ કરો. તેમાં જાયફળ, મધ અને તજ પાવડર પણ ઉમેરો. રોગપ્રતિકારક શક્તિ વધારવા માટે આદુનો પાવડર પણ ઉમેરી શકાય છે. તમે આ પીણાને લીલા ધાણા અને મરચાંના તેલના થોડા ટીપાંથી ગાર્નિશ કરી શકો છો.

2. હળદર, નારંગી અને વેનીલા સ્મૂધી :-

જ્યારે તમે તેને હળદર, વેનીલા ,દહીં અને ફ્રોઝન કેળા સાથે ભેળવો છો ત્યારે નારંગીનો રસ વધુ સ્વસ્થ બને છે. તેમાં તજ પણ ઉમેરી શકાય છે. મીઠા સ્વાદ માટે તેમાં મધ ઉમેરો અને સુશોભન માટે ઉપર અખરોટ મૂકી શકાય.

3. હળદર અને અજમાનું પાણી :-

આ પીણું બનાવવું ખૂબ જ સરળ છે. તેને બનાવવા માટે અજમાને આખી રાત પાણીમાં પલાળી રાખો. બીજા દિવસે આ પાણીમાં હળદર નાખીને ઉકાળો. ફિલ્ટર કરો અને પછી પીવો.

4. નારંગી અને આદુ ડિટોક્સ પીણું :-

તમે નારંગી અને હળદરના પીણાથી શરીરને ડિટોક્સ કરી શકો છો. આ માટે એક નારંગી, હળદર, વાટેલુ આદુ, ગાજરનો રસ કાઢી લો અને પછી સ્વાદ માટે તેમાં લીંબુનો રસ ઉમેરો.

5. હળદરવાળું મસાલા દૂધ :-

આ પીણું ભારતમાં સદીઓથી પીવામાં આવે છે. આ માટે એક વાસણમાં દૂધ, હળદર, તજ પાવડર અને કાળા મરીને ઉકાળો. સ્વાદ માટે તમે તેમાં ખાંડ, મધ અથવા ગોળ પણ ઉમેરી શકો છો. તેને હૂંફાળું પીવો.