એન્ટિલિયા કેસમાં વધુ એક ખુલાસો, Sachin Vaze એ પોતાની જ બિલ્ડીંગના CCTV ફૂટેજ કર્યા હતા જપ્ત
ઉદ્યોગપતિ મુકેશ અંબાણીના ઘરની બહાર વિસ્ફોટક સામગ્રીથી ભરેલી SUV ના મામલે સચિન વાઝેની સમસ્યાઓ દિવસેને દિવસે વધતી જણાય રહી છે. તપાસ દરમિયાન એનઆઈએના હાથમાં ઘણા વધુ પુરાવા આવ્યા છે, જે આશ્ચર્યજનક છે. મળતી માહિતી મુજબ, CIU માં રહીને સચિન વાજે જ્યારે શંકાસ્પદ સ્કોર્પિયો અને બોમ્બ ધમકીની તપાસ કરી રહ્યા હતા ત્યારે થાણેની પોતાની સોસાયટીના જ સીસીટીવી ફૂટેજ ડીવીઆર કબજે કર્યા હતા. સોમવારે એનઆઈએની ટીમ તપાસ માટે સચિન વાજેના ઘરે ગઈ હતી ત્યારે આ વાતનો ખુલાસો થયો હતો. આશ્ચર્યજનક બાબત એ છે કે તે ડીવીઆરમાંથી ફૂટેજ ડિલીટ કરી દેવામાં આવ્યા છે.
આવી સ્થિતિમાં સવાલ ઉભો થાય છે કે તપાસ અધિકારી પોતાના મકાનના સીસીટીવી ફૂટેજ કેમ જપ્ત કર્યા હશે? તપાસ એજન્સી એનઆઈએ અધિકારીઓના મનમાં સવાલ ઉભા થઈ રહ્યા છે કે શું સચિન વાજે એ વિક્રોલીથી સ્કોર્પિયો કાર પોતાના કમ્પાઉન્ડમાં મુકાવી હતી? એવી આશંકા છે કે 25 ફેબ્રુઆરી પછી જ્યારે મનસુખનો સંબંધ જાહેર થયો ત્યારે તેણે પુરાવા ભૂંસી નાખવા માટે આવું કર્યું? હાલમાં તપાસ એજન્સી એનઆઈએ આ મામલે સીઆઈયુના એપીઆઈ રિયાઝ કાઝીની પણ પૂછપરછ કરી રહી છે.
આપને જણાવી દઈએ કે 25 ફેબ્રુઆરીએ વાજેને શનિવારે દક્ષિણ મુંબઈમાં અંબાણીના ઘર નજીક વિસ્ફોટકોથી ભરેલી કારની તપાસના સંદર્ભમાં ધરપકડ કરવામાં આવી હતી. કારમાંથી 20 જીલેટીન સ્ટીક મળી આવી હતી. થાણેમાં રહેતા કારના માલિક અને ઉદ્યોગપતિ મનસુખ હિરેનની હત્યાના કેસમાં વાજેની ભૂમિકા પણ પ્રશ્નાર્થ હેઠળ છે. હિરેન 5 માર્ચે થાણે જિલ્લામાં મૃત હાલતમાં મળી આવ્યો હતો. વાજેએ 63 કથિત ગુનેગારોને માર્યા છે.
