ભરૂચ: દહેજ નજીક ટેન્કરમાંથી LPGની ચોરી કરી સિલિન્ડર ભરવાનું કૌભાંડ ઝડપાયું, રૂ.3 કરોડનો મુદ્દામાલ જપ્ત

ભરૂચની દહેજ પોલીસના સૂત્રો પેટ્રોલિંગમાં હતા તે દરમિયાન તેઓને બાતમી મળી હતી કે પણીયાદરા ગામ નજીક ગેરકાયદેસર રીતે ગેસ રિફિલિંગનું મોટું કૌભાંડ ચાલી રહ્યું છે જેના આધારે પોલીસે દરોડા પાડતા એલપીજી ભરેલ ટેન્કરમાંથી કોમર્શિયલ સિલિન્ડરમાં ગેરકાયદેસર  અને જોખમી રીતે ગેસ રિફિલ કરવામાં આવી રહ્યો છે. પોલીસે દરોડા પાડતા ગેસ રિફિલ કરતા તત્વોમાં દોડધામ મચી જવા પામી હતી. જો કે પોલીસે ઘટના સ્થળેથી ધનારામ લુહાર અને મુસ્તાક્લી મહેબૂબ અલી નામના 2 ઈસમોને ઝડપી પાડ્યા હતા જ્યારે અન્ય 10 જેટલા ઈસમો ફરાર થઇ ગયા હતા. પોલીસે સ્થળ પરથી પાંચ ટેન્કર તેમજ 35  કોમર્શિયલ ગેસ સિલિન્ડર મળી ₹3.33 કરોડથી વધુનો મુદ્દામાલ જપ્ત કરી તેઓ વિરુદ્ધ કાયદેસરની કાર્યવાહી હાથ ધરી છે.