ભરૂચ : ચોમાસાના પ્રારંભે જ આમોદ નજીક ઢાઢર નદીનો પુલ બિસ્માર, વાહનચાલકોને હાલાકી વેઠવાનો વારો...

ભરૂચ જિલ્લાના જંબુસર-આમોદ વચ્ચે આવેલ ઢાઢર નદીનો પુલની બિસ્માર હાલત થતાં વાહનકહલકોને ભારે હાલાકી વેઠવાનો વારો આવ્યો છે.

હાલ ચોમાસાની શરૂઆત થઈ છે, ત્યારે ભરૂચ જિલ્લાના જંબુસર-આમોદ વચ્ચે આવેલ ઢાઢર નદીના પુલ પર મસમોટા ખાડા પડ્યા છે. જેથી આ પુલ બિસ્માર હાલતમાં આવી જતાં વાહનકહલકોને હાલાકી વેઠવાનો વારો આવ્યો છે. આ બ્રિજ પરથી ભરૂચ, જંબુસર, વડોદરા સહિત સૌરાષ્ટ્ર જવા માટે હજરોની સંખ્યામાં વાહનો પસાર થાય છે. તો બીજી તરફ, જંબુસરથી ભરૂચને જોડતો આ મુખ્ય માર્ગ છે. સમારકામના અભાવે આ બ્રિજ બિસ્માર થઈ જતા વાહનો ચાલકોમાં ભય જોવા મળ્યો છે, ત્યારે હવે બ્રિજનું વહેલી તકે સમારકામ કરવામાં આવે તેવી માંગ ઉઠવા પામી છે.