ભરૂચ : હાંસોટ તાલુકાના ઇલાવ ગામે જલારામ જયંતીની ભવ્ય ઉજવણી, ભંડારા સહિતના કાર્યક્રમો યોજાયા

ભરૂચ જિલ્લામાં વિરપુરના પ્રાત:સ્મરણીય સંત જલારામબાપાના 224મા પ્રાગટયોત્સવની ભકિતસભર માહોલમાં ઉજવણી કરવામાં આવી હતી

author-image
By Connect Gujarat in ભરૂચ સમાચાર
New Update
ભરૂચ : હાંસોટ તાલુકાના ઇલાવ ગામે જલારામ જયંતીની ભવ્ય ઉજવણી, ભંડારા સહિતના કાર્યક્રમો યોજાયા

ભરૂચના હાંસોટ તાલુકાનાં ઇલાવ ગામે જલારામ જયંતિની ભવ્ય ઉજવણી કરવામાં આવી હતી. આ પ્રસંગે જલારામ બાવાનીના પાઠ કરવામાં આવ્યા હતા તો સાથે જ જાહેર ભંડારો પણ યોજાયો હતો.

ભરૂચ જિલ્લામાં વિરપુરના પ્રાત:સ્મરણીય સંત જલારામબાપાના 224મા પ્રાગટયોત્સવની ભકિતસભર માહોલમાં ઉજવણી કરવામાં આવી હતી ત્યારે હાંસોટ તાલુકાનાં ઇલાવ ગામે પણ જલારામ જયંતીની ઉજવણીના કાર્યક્રમનુ આયોજન કરવામાં આવ્યું હતું. જલારામ જયંતિ નિમિત્તે ગામના હનુમાન ચોકમાં જલારામ બાવનીના પાઠ કરવામાં આવ્યા હતા જેમાં ગાયક કલાકાર જેકી પટેલ,જગદીશ પટેલ,નટવર પટેલ,બરકાલ ગામના કનુ પંચોલી અને બાળ કલાકાર પ્રથમ પંચોલી દ્વારા સંગીતમય રીતે વિરપુરના સંત જલારામ બાપાની ગ્રામજનોને આરાધના કરાવવામાં આવી હતી. આ પ્રસંગે જાહેર ભંડારાનું પણ આયોજન કરવામાં આવ્યું હતું જેમાં ભોજન પ્રસાદીનો સમસ્ત ગ્રામજનોએ લાભ લીધો હતો 

#CGNews #celebrations #Ilav village #organized #Bhandara #Jalaram Jayanti #Hansot taluk #Gujarat #Bharuch
Related Articles
Read the Next Article

ભરૂચ: નૈઋત્યના ચોમાસાનું આગમન, જિલ્લાના 6 તાલુકામાં ગાજવીજ સાથે વરસાદ

ભરૂચ અને અંકલેશ્વરમાં વિધિવત ચોમાસું બેઠું હોય તેવો માહોલ જોવા મળ્યો હતો સમી સાંજના સમયે જિલ્લાના 9 પૈકી 6 તાલુકામાં વરસાદ નોંધાયો હતો.

author-image
By Connect Gujarat Desk in ભરૂચ Featured
New Update

ભરૂચમાં નૈઋત્યના ચોમાસાનું આગમન

સમી સાંજના સમયે વરસાદ વરસ્યો

9 પૈકી 6 તાલુકામાં વરસાદ નોંધાયો

ગાજવીજ સાથે વરસાદ

વાતાવરણમાં ઠંડક

ભરૂચ અને અંકલેશ્વરમાં વિધિવત ચોમાસું બેઠું હોય તેવો માહોલ જોવા મળ્યો હતો સમી સાંજના સમયે જિલ્લાના 9 પૈકી 6 તાલુકામાં વરસાદ નોંધાયો હતો.
કાળઝાળ ગરમી વચ્ચે ભરૂચ અને અંકલેશ્વરના વાતાવરણમાં અચાનક જ પલટો આવ્યો હતો ગતરોજની જેમ રવિવારે પણ બપોર બાદ કાળા દિબાગ વાદળોની ફોજ આવી પહોંચી હતી અને પવન સાથે ઝરમર વરસાદ વરસ્યો હતો. વરસાદના પગલે વાતાવરણમાં ઠંડક પ્રસરી હતી અને લોકોને ઉકળાટ તેમજ બફારાથી રાહત મળી હતી. રવિવારની રજા લોકોએ વરસાદની મજા વચ્ચે માણી હતી નૈઋત્યનું ચોમાસું વિધિવત રીતે બેસી ગયું હોય તેવો માહોલ જોવા મળ્યો હતો ભરૂચ જિલ્લામાં સાંજના સમયે વરસેલા વરસાદના આંકડા પર નજર કરીએ તો વાલિયામાં 20 મિમી,નેત્રંગમાં 19 મિમી, હાંસોટમાં 14 મિમી,ઝઘડિયા 5 મિમી, ભરૂચ 4 મિમી,અંકલેશ્વરમાં 2 મિમી વરસાદ નોંધાયો હતો.સત્તાવાર ચોમાસું શરૂ થતાં પહેલાં જ અત્યાર સુધી મૌસમનો કુલ 16.22 ટકા વરસાદ નોંધાયો છે.