Connect Gujarat
બિઝનેસ

પેટ્રોલ-ડીઝલના ભાવ ઓછા નહીં થવા પાછળ જાણો શું કારણ જણાવ્યુ પેટ્રોલિયમ મંત્રીએ

પેટ્રોલ અને ડીઝલના વધેલા ભાવે સામાન્ય લોકોની કમર તોડી નાખી છે. આ કિંમત કેમ ઓછી નથી થઈ રહી? પેટ્રોલિયમ મંત્રી હરદીપ સિંહ પુરીએ આનું કારણ આપ્યું છે.

પેટ્રોલ-ડીઝલના ભાવ ઓછા નહીં થવા પાછળ જાણો શું કારણ જણાવ્યુ પેટ્રોલિયમ મંત્રીએ
X

પેટ્રોલ અને ડીઝલના વધેલા ભાવે સામાન્ય લોકોની કમર તોડી નાખી છે. આ કિંમત કેમ ઓછી નથી થઈ રહી? પેટ્રોલિયમ મંત્રી હરદીપ સિંહ પુરીએ આનું કારણ આપ્યું છે. પેટ્રોલિયમ મંત્રીએ કહ્યું કે દેશમાં પેટ્રોલ અને ડીઝલના ભાવ નીચે નથી આવી રહ્યા કારણ કે રાજ્યો તેને જીએસટીમાં સમાવાવ માંગતા નથી.

પુરીએ એક મુલાકાતમાં જણાવ્યું હતું કે પશ્ચિમ બંગાળમાં પેટ્રોલના ભાવ 100 રૂપિયાને પાર કરી ગયા છે કારણ કે ટીએમસી સરકાર ભારે ટેક્સ લાદી રહી છે. તેમણે કહ્યું, 'જો તમારો સવાલ છે કે શું તમે પેટ્રોલના ભાવ નીચે લાવવા માંગો છો, તો જવાબ હા છે. હવે, જો તમારો સવાલ છે કે પેટ્રોલની કિંમતો કેમ નીચે નથી આવી રહી, તો જવાબ છે કારણ કે રાજ્યો તેને જીએસટી હેઠળ લાવવા માંગતા નથી.

પેટ્રોલિયમ મંત્રી હરદીપ સિંહ પુરીએ કહ્યું, 'કેન્દ્ર 32 રૂપિયા પ્રતિ લીટર ચાર્જ કરે છે. જ્યારે ક્રૂડ 19 યુએસ ડોલર પ્રતિ બેરલ હતું ત્યારે અમે 32 રૂપિયા પ્રતિ લીટર લીધા હતા અને અમે હજુ પણ તે જ લઈ રહ્યા છીએ, જ્યારે કિંમત 75 યુએસ ડોલર પ્રતિ બેરલ થઈ ગઈ છે. પેટ્રોલ પર એકત્રિત કરનો ઉપયોગ કલ્યાણ યોજનાઓ માટે થાય છે. પશ્ચિમ બંગાળ સરકારે જુલાઈમાં ભાવમાં 3.51 રૂપિયા પ્રતિ લીટરનો વધારો કર્યો હતો, જેના કારણે પેટ્રોલ 100 રૂપિયા પ્રતિ લીટરે પહોંચી ગયું હતું.

તેમણે આગળ કહ્યું, "અહીં સંયુક્ત કરવેરા લગભગ 40 ટકા છે. નિવેદન આપવું ખૂબ જ સરળ છે. જો તમે 3.51 રૂપિયાનો વધારો ન કર્યો હોત, તો તે હજુ પણ ભાવ 100 રૂપિયા પ્રતિ લિટરથી ઓછો હોત. પુરી બુધવારે ભવાનીપુર પેટાચૂંટણીના પ્રચાર માટે કોલકાતામાં હતા. આ ચૂંટણીમાં મુખ્યમંત્રી મમતા બેનર્જી, ભાજપની પ્રિયંકા તિબ્રેવાલ અને માકપાના શ્રીજીબ બિસ્વાસ વચ્ચે સ્પર્ધા છે.

Next Story
Share it