હરતાલિકા ત્રીજ પર માતા પાર્વતીને અર્પણ કરો પેડુકિયા/ગુજિયા નો પ્રસાદ

આજે 30 ઓગસ્ટ એટલે કે ભાદરવા સુદ ત્રીજ અને મંગળવાર આ શુભ દિવશે પરિણીત મહિલાઓ તેમના પતિના લાંબા અને સુખી જીવન માટે હરતાલિકા તીજનું વ્રત રાખે છે.અને જ્યારે કૂવારી કન્યાઓ સૌભાગ્યની પ્રાપ્તિ માટે વ્રત કરે છે. આ દિવસે મહિલાઓ 24 કલાક સુધી કોઈ પણ ખોરાક કે પાણીનું સેવન કર્યા વિના ઉપવાસ કરે છે અને બીજા દિવસે પૂજા કર્યા પછી દેવી પાર્વતીને ચઢાવવામાં આવેલા પ્રસાદથી ઉપવાસ તોડે છે. ત્રીજ પર માતા પાર્વતી અને ભગવાન શિવને વિવિધ મીઠાઈઓ અને ફળો અર્પણ કરવામાં આવે છે, પરંતુ ઇચ્છિત ફળ મેળવવા માટે, તેઓએ પેડુકિયા, જેને ગુજિયા તરીકે પણ ઓળખવામાં આવે છે, પ્રસાદ તરીકે અર્પણ કરવું જોઈએ. બિહાર અને યુપીમાં, તે ત્રિજના અવસર પર આપવામાં આવે છે. બીજા દિવસે, સ્ત્રીઓ પણ પેડુકિયા/ગુજિયા ખાઈને પારણા કરે છે. તે બનાવવું ખૂબ જ સરળ છે, તો ચાલો જાણીએ તેની ઝડપી રેસિપી.

પેડુકિયા/ગુજિયા બનાવવા માટેની સામગ્રી :-

લોટ - 2 કપ, ઘી - કપ, સોજી - 3/4 કપ, દળેલી ખાંડ - 3/4 કપ, ડ્રાયફ્રૂટ્સ - 1 કપ, નાની એલચી - ટીસ્પૂન

હરતાલિકા તીજ પેડુકિયા/ગુજિયા (મીઠા ઘૂઘરા )પ્રસાદ કેવી રીતે બનાવવો

- લોટને ચાળી લો જેથી તે સંપૂર્ણપણે સાફ થઈ જાય. હવે તેમાં ઘી ઉમેરીને સૂકા હાથથી સારી રીતે ઘસો. આ પછી ધીમે-ધીમે પાણી ઉમેરી સખત કણક બાંધો. તેને ભીના કપડાથી ઢાંકીને રહેવા દો.

સ્ટફિંગ તૈયાર કરવા માટે કડાઈમાં થોડું ઘી નાખો. તેને ગરમ થવા દો. તેમાં સોજી ઉમેરીને ધીમી આંચ પર સોનેરી થાય ત્યાં સુધી તળો. ત્યાર બાદ તેમાં ઝીણા સમારેલા ડ્રાયફ્રુટ્સ નાખીને ફ્રાય કરો. આ પછી તેમાં દળેલી ખાંડ અને એલચી પાવડર ઉમેરો. તમે ઈચ્છો તો સ્ટફિંગમાં માવો પણ ઉમેરી શકો છો. બધું બરાબર મિક્સ કરો અને થોડું ઠંડુ થવા દો. તે તૈયાર કરેલ લોટના નાના બોલ બનાવો. આ પછી તેમાં રવો-માવાનું સ્ટફિંગ ભરો. હાથની મદદથી અથવા ગુજિયાના મોલ્ડની મદદથી આકાર આપો. એક પેનમાં ઘી કે તેલ ગરમ કરવા મૂકો. આ પછી તેમાં પીડુકિયા ઉમેરીને ધીમી આંચ પર શેકી લો. ઉંચી આંચ પર તળવું નહિ નહિતર અંદરથી કાચું રહી જશે. તેને મીઠા ઘૂઘરા પણ કહેવામાં આવે છે આ રીતે તૈયાર છે માતાજીને ધરાવવા માટેનો પ્રસાદ.