સિંધુ મુસેવાલાના અંતિમ સંસ્કાર વતનમાં બપોરે થશે, દૂર-દૂરથી ચાહકો ઉમટી પડ્યા

પંજાબી ગાયક સિદ્ધુ મૂસેવાલાના અંતિમ સંસ્કાર આજે બપોરે તેમના મૂળ ગામ મુસામાં કરવામાં આવશે. દૂર-દૂરથી તેમના ચાહકો ગામમાં પહોંચી ગયા છે. પોલીસે ચુસ્ત બંદોબસ્ત ગોઠવી દીધો છે. સોમવારે બપોરે મુખ્યમંત્રીની ખાતરી બાદ પરિવાર પોસ્ટમોર્ટમ માટે સંમત થયો હતો. પ્રખ્યાત ગાયક સિદ્ધુ મુસેવાલાને લગભગ બે ડઝન ગોળીઓ લાગી હતી. સોમવારે ડોક્ટરોની પાંચ સભ્યોની ટીમના પોસ્ટમોર્ટમ રિપોર્ટમાં આ વાત સામે આવી છે.

રિપોર્ટ અનુસાર, સિદ્ધુ મુસેવાલાના ડાબા ફેફસા અને લીવરમાં ગોળીઓ વાગવાથી તેનું મોત થયું હતું. મુસેવાલાના શરીરમાં ગોળીઓ શોધવા માટે, ડૉક્ટરોની ટીમે પોસ્ટમોર્ટમ પહેલા શરીરનો એક્સ-રે કરાવ્યો, જેથી શરીરમાં ગોળીઓની સ્થિતિ જાણી શકાય. સિદ્ધુ મુસેવાલાની હત્યા બાદ પંજાબથી લઈને સાત સમુદ્ર પાર શોકની લહેર છે અને ખાસ કરીને યુવાનોમાં ભારે રોષ જોવા મળી રહ્યો છે. સિરીન્હ, વાનકુવર, કેનેડામાં મોટી સંખ્યામાં યુવાનો એકઠા થયા હતા, જેમણે સિદ્ધુ મુસેવાલાની હત્યાનો શોક વ્યક્ત કર્યો હતો. સિદ્ધુ મુસેવાલાની હત્યાને લઈને કેનેડાથી લઈને અમેરિકા, યુકેમાં શોકની લહેર છે. સિદ્ધુ મુસેવાલા થોડા સમય પછી કેનેડા અને અન્ય દેશોમાં લાઈવ શોમાં જવાની તૈયારી કરી રહ્યો હતો.