"ક્યૂંકી સાસ ભી કભી બહુ થી" 21 વર્ષ બાદ ફરી ધમાલ મચાવશે, જાણો ક્યાં અને કેટલા વાગે થસે ટેલિકાસ્ટ

ક્યૂંકી સાસ ભી કભી બહુ થી... ટીવીની દુનિયાનો એક એવો ઐતિહાસિક શો છે જેની લોકપ્રિયતાએ ઘણા મોટા રેકોર્ડ તોડી નાખ્યા હતા. આ ટીવી પર સૌથી લાંબો ચાલતો શો હતો. 2000 થી 2008 સુધી આ શોએ ટીવીની દુનિયા પર રાજ કર્યું. સંયુક્ત પરિવારના સુંદર સંબંધો પર આધારિત આ શોની વાર્તાએ દરેક દેશવાસીના દિલમાં એક ખાસ જગ્યા બનાવી છે. હવે આ સીરિયલ ફરી એક વાર કમબેક કરી રહી છે. આ સમાચાર સાંભળીને ઘણા ચાહકોના ચહેરા આનંદથી ખીલી ઉઠ્યા હશે. કારણ કે તુલસી વિરાણી ફરી એકવાર તમારા જીવનમાં દસ્તક આપીને નવી પેઢીને પરિચય કરાવવા જઈ રહી છે.

એકતા કપૂરે પોતાના સોશિયલ મીડિયા હેન્ડલ પર શોનો પ્રોમો વીડિયો શેર કરીને ચાહકો સાથે આ ખુશખબર શેર કરી છે. એકતાએ પ્રોમોની સાથે કેપ્શનમાં લખ્યું - આ પ્રોમોની એક ઝલક જોઈને બધી જૂની યાદો તાજી થઈ ગઈ. આજે જ્યારે હું પાછું વળીને જોઉં છું ત્યારે મને એ દરેક ક્ષણ યાદ આવે છે જેણે આ શોને સૌથી વધુ પ્રિય શો બનાવ્યો હતો. એ જ પ્રેમ સાથે ફરી આ પ્રવાસમાં જોડાઓ. તમે આવતીકાલથી એટલે કે 16 ફેબ્રુઆરી 2022 બુધવારથી તમામ સ્ટાર પ્લસ ચેનલો પર 'ક્યૂંકી સાસ ભી કભી બહુ થી'નું પુનરાવર્તિત ટેલિકાસ્ટ જોઈ શકશો. આ શો દરરોજ સાંજે 5 વાગ્યે ટેલિકાસ્ટ થશે.