વેલેન્ટાઈન ડે પર મંદિરા બેદીનું દિલ તૂટી ગયું, સ્વર્ગસ્થ પતિને યાદ કરીને કહી આ વાત..

આખો દેશ આજે વેલેન્ટાઈન ડેની ઉજવણી કરી રહ્યો છે ત્યારે બીજી તરફ અભિનેત્રી મંદિરા બેદીનું દિલ તૂટી ગયું છે. આજે મંદિરાની 23મી લગ્નની વર્ષગાંઠ છે અને આ અવસર પર તે પોતાના સ્વર્ગસ્થ પતિ રાજ કૌશલને યાદ કરી રહી છે.

તમને જણાવી દઈએ કે, બોલિવૂડ ફિલ્મ નિર્માતા અને મંદિરા બેદીના પતિ રાજ કૌશલનું ગયા વર્ષે 30 જૂનના રોજ હાર્ટ એટેકથી નિધન થયું હતું. ત્યારથી મંદિરા બેદી સોશિયલ મીડિયા પર પોતાની તસવીરો શેર કરીને પોતાના દિલની વાત કરતી રહે છે. અભિનેત્રી તેના પતિ રાજ કૌશલને ખૂબ મિસ કરે છે. જો રાજ આજે જીવતો હોત, તો આ યુગલ વેલેન્ટાઈન ડેની સાથે તેમની 23મી લગ્નની વર્ષગાંઠની ઉજવણી કરી રહ્યું હોત. મંદિરા માટે આજનો દિવસ કેટલો મુશ્કેલ હશે તે તેના દ્વારા લખવામાં આવેલી નોટ પરથી જાણી શકાય છે. તેમના લગ્નની કેટલીક તસવીરો ઈન્સ્ટાગ્રામ પર શેર કરતા તેણે લખ્યું કે, આજે અમારી 23મી લગ્નની વર્ષગાંઠ હોત. મંદિરા બેદી અને રાજ કૌશલની પહેલી મુલાકાત વર્ષ 1996માં થઈ હતી. આ પછી બંનેની મળવાની પ્રક્રિયા વધી અને આ કપલે 3 વર્ષ સુધી ડેટ કર્યા બાદ 14 ફેબ્રુઆરી 1999ના રોજ લગ્ન કરી લીધા. લગ્નના 12 વર્ષ બાદ દંપતીના પ્રથમ સંતાન વીર કૌશલનો જન્મ થયો હતો. વીરના જન્મના નવ વર્ષ પછી મંદિરા અને રાજે એક પુત્રીને દત્તક લીધી હતી.