પૂર્વ ન્યાયમૂર્તિ રંજન ગોગોઇએ લીધા રાજ્યસભા સભ્ય પદના શપથ, વિપક્ષે શેમ શેમના લગાવ્યા નારા

રાષ્ટ્રપતિ રામનાથ

કોવિંદ દ્વારા નિયુક્ત સુપ્રીમ કોર્ટના ભૂતપૂર્વ જસ્ટિસ રંજન ગાગોઇએ રાજ્યસભાના

સભ્ય તરીકે શપથ લીધા છે. રાષ્ટ્રપતિ દ્વારા તેમને નિમણૂક કરવામાં આવ્યા ત્યારથી

વિવાદ ચાલી રહ્યો છે. જો કે, વિવાદો વચ્ચે, અંતે તેમણે પદના શપથ લઈ લીધા છે અને રાજ્યસભાના સભ્ય બની ગયા છે.

વિપક્ષનો વિરોધ

રંજન ગોગોઈના રાજ્યસભાના સભ્યની નિમણૂકનો વિપક્ષી દળ વિરોધ કરી રહ્યા છે. કોંગ્રેસે રંજન ગોગોઇના નામાંકન અંગે હુમલો કરતાં પાંચ પ્રશ્નો પૂછ્યા હતા. કોંગ્રેસ

નેતા કપિલ સિબ્બલે કહ્યું કે, "રંજન ગોગોઇ કૃપા

કરીને એ જણાવે કે પોતાના જ કેસમાં જાતે નિર્ણય કેમ? બંધ પરબિડીયામાં શા માટે ન્યાય

પ્રણાલી? ચૂંટણી બોન્ડનો મુદ્દો કેમ નથી લેવામાં આવ્યો? રફાલ કેસમાં

ક્લીનચીટ કેમ આપવામાં આવી? સીબીઆઈ ડિરેક્ટરને કેમ હટાવવામાં આવ્યા? ''

શિવસેનાએ પ્રશ્નો

ઉભા કર્યા

શિવસેનાના સંજય

રાઉતે તેમની નામાંકન પર સવાલ ઉઠાવ્યા હતા. સંજય રાઉતે કહ્યું કે જે વ્યક્તિએ

સીજેઆઈનું પદ સંભાળ્યું છે તેણે રાજકારણથી અંતર રાખવું જોઈએ. તેમણે કહ્યું કે

સીજેઆઈ સાથે, ન્યાયનું સંતુલન હંમેશાં સારું લાગે છે અને સારું લાગશે, પરંતુ આજકાલ સીજેઆઈ

રાજકારણમાં રસ દાખવી રહ્યા છે, જે પોતાનામાં આશ્ચર્યજનક છે.

પૂર્વ ન્યાયાધીશ

કુરિયન જોસેફે સવાલો ઉઠાવ્યા

સુપ્રીમ કોર્ટના

પૂર્વ મુખ્ય ન્યાયાધીશ (સીજેઆઈ) રંજન ગોગોઈને રાજ્યસભામાં નામાંકન આપવા અંગે

વિરોધી પક્ષો સવાલો ઉભા કરી રહ્યા છે. આ સૂચિમાં સુપ્રીમ કોર્ટના ભૂતપૂર્વ

ન્યાયાધીશો પણ છે. પૂર્વ ન્યાયાધીશ કુરિયન જોસેફે મંગળવારે આશ્ચર્ય વ્યક્ત કર્યું

કે ગોગોઈની નામાંકન સ્વીકારવાથી ન્યાયતંત્રમાં સામાન્ય લોકોનો વિશ્વાસ હચમચી ગયો

છે.

તેમણે કહ્યું, "ન્યાયતંત્રની

સ્વતંત્રતા માટે ન્યાયમૂર્તિ ચેલમેશ્વર, જસ્ટિસ ગોગોઇ, હું અને ન્યાયમૂર્તિ

મદન બી. લોકુરએ અવાજ ઉઠાવ્યો હતો. 12 જાન્યુઆરી 2018 ના રોજ અમારી પ્રેસ

કોન્ફરન્સમાં ન્યાયાધીશ ગોગોઈના શબ્દો હતા - અમે દેશ પ્રત્યેનું અમારું દેવું

ચૂકવી દીધું છે.

ગોગોઈના નામાંકન સામે અરજી કરવામાં આવી

ઇંડિયન કાઉન્સીલ ઓફ

સોશલ સાયન્સ રિસર્ચમાં પ્રોફેસર મધુ કિશ્વરે ભૂતપૂર્વ ચીફ જસ્ટિસ રંજન

ગોગોઈની રાજ્યસભાના સભ્ય તરીકેના નામાંકનને પડકારતી બુધવારે સુપ્રીમ કોર્ટમાં

પીઆઇએલ દાખલ કરી છે. આ અરજી 20 પાનાની છે. આ અરજી કોઈ વકીલની સહાયથી તૈયાર કરવામાં

આવી નથી અથવા ફાઇલ કરવામાં આવી નથી. મધુ કિશ્વરે પોતાની અરજીમાં કહ્યું છે કે

ભારતના રાષ્ટ્રપતિ રામનાથ

કોવિંદ દ્વારા પૂર્વ મુખ્ય

ન્યાયાધીશ રંજન ગોગોઇને રાજ્યસભા માટે નિયુક્ત કરવું એક રાજકીય નિમણૂક જેવું લાગે છે. તેમણે પોતાની અરજીમાં એમ પણ કહ્યું છે કે

ગોગોઇએ તેમના કાર્યકાળ દરમિયાન કેટલાક ઐતિહાસિક નિર્ણયો

લીધા છે. આવી નિયુક્તિથી સુપ્રીમ

કોર્ટમાં તેમની અધ્યક્ષતામાં આપવામાં આવેલા ચુકાદાની વિશ્વસનીયતા

પર લોકો શંકા કરી શકે છે.