વલસાડ: વાપી GST ભવનમાં ACBનો સપાટો, CGSTનો ઇન્સ્પેકટર રૂ.40 હજારની લાંચ લેતા રંગેહાથ ઝડપાયો

વલસાડ જિલ્લાના વાપી ખાતેના GST ભવનમાં લાંચ રૂશ્વતવિરોધી શાખા દ્વારા સફળ ટ્રેપ ગોઠવવામાં આવીહતી.જેમાં CGSTનોઇન્સ્પેકટર રૂપિયા40 હજારની લાંચ લેતા ઝડપાઈ ગયો હતો.

વલસાડ જિલ્લાના વાપી ખાતેસેન્ટ્રલ GST અને સેન્ટ્રલ એક્સાઇઝની કચેરી,બીજા માળે આવેલ રૂમ નંબર.216 આરોપીની ઓફિસમાંACB દ્વારા ટ્રેપ ગોઠવામાંઆવી હતી,ખાનગી કન્સ્ટ્રક્શનની ભાગીદારી પેઢીના ફરિયાદીએ CGST તેમજ SGST પેટે નાણાં ભરેલા હતા,જોકે તેમ છતાં લાંચિયા ઇન્સ્પેકટર યશવંત રાજેન્દ્ર ગેહલોતેતેઓને નોટિસ ફટકારીનેરૂપિયા ભરવા માટે દબાણ કર્યું હતું, અને નોટિસને રફેદફે કરવા માટે રૂપિયા 40 હજારની માંગણી કરી હતી.પરંતુ ફરિયાદીએ આ અંગે ACB શાખાનોસંપર્ક કરીને ફરિયાદ દર્જ કરાવી હતી.

જે ફરિયાદને આધારેACB એ છટકું ગોઠવતાલાંચિયોઅધિકારી યશવંત ગેહલોત રૂપિયા 40 હજારની લાંચ લેતા રંગેહાથ ઝડપાઈગયો હતો.ACBની સફળ ટ્રેપથી લાંચિયા અધિકારીઓમાં ફફડાટ વ્યાપી ગયો હતો,જોકે રાજ્યભરમાં તાજેતરમાં વિવિધ વિભાગોમાં લાંચિયા અધિકારીઓ સામે ACBએ તવાઈ બોલાવી હતી,જોકે તેમ છતાં લાંચ રૂશ્વત લેતા અધિકારીઓની ધરપકડનીઘટના સરકારી તંત્ર માટે શરમજનક સાબિત થઇ રહી છે.