• અમરેલીમાંથી નકલી પોલીસકર્મી ઝડપાયો

• એસટી બસ સ્ટેન્ડમાં લોકો સામે રોફ ઝાડતો હતો

• LCBએ કરી નકલી પોલીસકર્મીની ધરપકડ

• તાપીનાવ્યારા ગામનો ઉમેશ રાહુલ વસાવાનીધરપકડ

• પોલીસે ખાખી વર્દી,બેલ્ટ,કેપ સહિતની વસ્તુઓ કરી કબજે

અમરેલી એસટી બસ સ્ટેન્ડમાં પોલીસવર્દીમાંલોકો સામે રોફ ઝાડીને પૈસા પડાવતા એક નકલી પોલીસકર્મીની લોકલ ક્રાઇમ બ્રાન્ચની ટીમે ધરપકડ કરી હતી.

અમરેલીના એસટી બસ સ્ટેન્ડમાં એક યુવક પોલીસવર્દીમાંફરીને લોકો સામે રોફ ઝાડી રહ્યો હોવાની બાતમી લોકલ ક્રાઇમ બ્રાન્ચની ટીમનેમળી હતી.જે ચોક્કસ બાતમીને આધારે પોલીસે બસ સ્ટેન્ડમાં તપાસ કરી હતી.અને નકલી પોલીસકર્મી બનીને ફરતા યુવકની પોલીસે ધરપકડ કરી હતી.પોલીસ તપાસમાં જાણવા મળ્યું હતું કે તાપી જિલ્લાના વ્યારા ગામનો ઉમેશ રાહુલ વસાવા પોલીસની વર્દી પહેરીને સીનસપાટા મારતો હતો.પોલીસે ગુજરાત પોલીસનો ડ્રેસ, કેપ, બેલ્ટ, શૂઝ સાથે ઉમેશ વસાવાનીધરપકડ કરી છે.વધુમાં આરોપી ઉમેશે નકલી પોલીસ બનીને અમરેલીમાં કોઈની સાથે છેતરપિંડી કરી છે કે નહિ તે અંગે પોલીસે વિધિવત તપાસ શરૂ કરી છે.