અમરેલી : પ્રગતિશીલ ખેડૂત ટામેટાની ખેતી કરીને અન્ય માટે બન્યા પ્રેરણારૂપ,આધુનિક અને ગાય આધારિત ખેતીથી મેળવી સફળતા

અમરેલી જિલ્લાના કુકાવાવના બરવાળા બાવીસી ગામના પ્રગતિશીલ ખેડૂતે ટામેટાની ખેતીમાં સફળતા મેળવીને અન્ય માટે પ્રેરણારૂપ બન્યા છે.

author-image
By Connect Gujarat Desk in ગુજરાત સમાચાર
New Update

  • પ્રગતિશીલ ખેડૂતની ટામેટાની સફળ ખેતી

  • 10 વીઘા જમીનમાં કરે છે ટામેટાની ખેતી

  • 10 વર્ષથી કરી રહ્યા છે ટામેટાની ખેતી

  • ટામેટાની ખેતીએ ખેડૂતને લખપતિની હરોળમાં લાવી દીધા

  • આધુનિક અને ગાય આધારિત કરે છે ખેતી 

Advertisment

અમરેલી જિલ્લાના કુકાવાવના બરવાળા બાવીસી ગામના પ્રગતિશીલ ખેડૂતે ટામેટાની ખેતીમાં સફળતા મેળવીને અન્ય માટે પ્રેરણારૂપ બન્યા છે. ઘરતીપુત્રએ આધુનિક અને ગાય આધારિત ખેતી કરીને છેલ્લા 10 વર્ષથી ટામેટાની ખેતીમાં સફળતા પ્રાપ્ત કરી રહ્યા છે.

અમરેલી જિલ્લાના કુકાવાવ તાલુકાનું બરવાળા બાવીસી ગામમાં આમ તો ઘણા પ્રગતિશીલ ખેડૂતોએ પરંપરાગત ખેતી છોડીને શાકભાજી સાથેની અન્ય ખેતી તરફ વળ્યા છે,પણ બરવાળાના અરવિંદ ડોબરીયા પાસે 40 વીઘા જમીન છે,જેમાં 10 વીઘામાં ટામેટાનું વાવેતર કર્યું છે.ટામેટાનું માંડવા બનાવીને વાવેતર કરીને વિશેષ રૂપમાં ખેતીને આધુનિક ખેતી સાથે ગાય આધારિત ખેતીમાં અરવિંદ ડોબરીયાએ છેલ્લા 10 વર્ષથી ટામેટાની ખેતી કરી રહ્યા છે. પ્રગતિશીલ ખેડૂતમાં ટામેટાએ  અરવિંદ ડોબરીયાને લખપતિ ખેડૂતની હરોળમાં મૂકી દીધા છે.જોકે હાલ ટામેટામાં સારા ભાવ નથી એટલે માલનું વેચાણ ઓછું કરવામાં આવે છે,પરંતુ જો સારા ભાવ હોય તો ટમેટામાં ખૂબ જ સારું ઉત્પાદન મળે છે.ટમેટામાં અંદાજિત 50 થી 60 ટકા નફો મળી રહે છે.ખેડૂત અરવિંદ ડોબરીયા ટામેટાની ખેતીમાં સફળતા પ્રાપ્ત કરીને અન્ય ખેડૂતો માટે પણ પ્રેરણારૂપ બન્યા છે.

#Tometo #crops #CGNews #agricultural crops #Gujarat #Amreli #farmers
Advertisment
Related Articles
Read the Next Article

સંઘપ્રદેશ દમણમાં થયેલી રૂ. 1.33 કરોડની ચોરીનો ભેદ પોલીસે ઉકેલી કાઢ્યો, દાહોદથી 3 તસ્કરોની ધરપકડ

તસ્કરોએ રાત્રે 2 વાગ્યા બાદ ઘરમાં પ્રવેશ કરી ચોરીની ઘટનાને અંજામ આપ્યો હતો. તસ્કરોએ સોનું અને 8 હજાર UK પાઉન્ડની રોકડ રકમની ચોરી કરી ફરાર થઈ ગયા હતા

author-image
By Connect Gujarat Desk in ગુજરાત સમાચાર
New Update

  • સંઘપ્રદેશ દમણ ક્રાઇમ બ્રાન્ચ પોલીસને મળી સફળતા

  • 20 દિવસમાં જ રૂ. 1.33 કરોડની ચોરીનો ભેદ ઉકેલ્યો

  • દાહોદ ખાતેથી 3 આંતરરાજ્ય તસ્કરોની ધરપકડ કરી

  • સોનું અને 8 હજાર UK પાઉન્ડ રોકડની થઈ હતી ચોરી

  • પોલીસે 18 લાખ રૂપિયાનું 26 તોલા સોનું રિકવર કર્યું 

Advertisment

સંઘપ્રદેશ દમણ પોલીસે માત્ર 20 દિવસમાં જ મોટી દમણમાં થયેલી રૂ. 1.33 કરોડની ચોરીનો ભેદ ઉકેલી કાઢી 3 આંતરરાજ્ય તસ્કરોની ધરપકડ કરી રૂ. 18.17 લાખની કિંમતનું 261.530 ગ્રામ સોનું જપ્ત કર્યું છે.

ગત તા. 28 ફેબ્રુઆરી-2025ના રોજ સંઘપ્રદેશ દમણના મોટી દમણ વિસ્તારમાં આવેલ મંદિર શેરી વિસ્તારમાં રહેતા ઇશ્વરભાઈ ટંડેલના ઘરમાંથી ચોરી થઈ હતી. ટંડેલ પરિવાર લંડનથી ભારત આવ્યો હતો, ત્યારે તસ્કરોએ રાત્રે 2 વાગ્યા બાદ ઘરમાં પ્રવેશ કરી ચોરીની ઘટનાને અંજામ આપ્યો હતો. તસ્કરોએ સોનું અને 8 હજાર UK પાઉન્ડની રોકડ રકમની ચોરી કરી હતી. આ સાથે જ શ્રી રણછોડરાયજી મંદિરની દાનપેટીમાં રહેલ 20થી 25 હજારની રોકડ પર હાથફેરો કર્યો હતો. સમગ્ર મામલે દમણ ક્રાઇમ બ્રાન્ચના PSI ભરત પરમારના નેતૃત્વમાં તપાસ શરૂ કરવામાં આવી હતી.

જેમાં ટેકનિકલ એનાલિસિસ અને હ્યુમન ઇન્ટેલિજન્સના આધારે દાહોદથી 3 આરોપીઓની ધરપકડ કરવામાં આવી હતી. ચોરીને અંજામ આપનાર મુખ્ય આરોપી ભરત મોતીલાલ પંચાલ જે 50થી વધુ ગુનાઓમાં સંડોવાયેલો છે. તે ગુજસીટોક હેઠળ સજા પણ ભોગવી ચૂક્યો છે, જ્યારે અન્ય 2 આરોપીઓમાં જિજ્ઞેશ રાજુભાઈ પંચાલ અને પંકજકુમાર ઉર્ફે પુનીત ભરતભાઈ સોનીનો સમાવેશ થાય છે.

પોલીસે આરોપીઓ પાસેથી 18 લાખ રૂપિયાનું 26 તોલા સોનું પણ રિકવર કર્યું છે. હાલ સમગ્ર મામલામાં વધુ લોકો સામેલ હોય તેવું પોલીસ જણાવી રહી છે, ત્યારે આગામી તપાસમાં વધુ લોકોને પોલીસ દ્વારા પકડવાની હિલચાલ શરૂ કરવામાં આવી છે. દમણ પોલીસની ઝડપી કાર્યવાહીથી સ્થાનિક લોકોમાં પોલીસ પ્રત્યે વિશ્વાસ વધ્યો છે.

#Daman Crime Branch Police #ધરપકડ #Theft Case #Smugglers #Daman
Advertisment