અંકલેશ્વર: કડકિયા કોલેજ નજીક ઇલેક્ટ્રિક સ્કુટરમાં આગ, સ્કૂટર ચાલકનો બચાવ

અંકલેશ્વર હાંસોટ  રોડ પર આવેલ કડકીયા કોલેજ નજીક ઇલેક્ટ્રીક સ્કૂટરમાં આગ ફાટી નીકળતા દોડધામ મચી જવા પામી હતી.

અંકલેશ્વરમાં ઉનાળાની કાળઝાળ ગરમી વચ્ચે આગ લાગવાના બનાવવામાં વધારો થયો છે ત્યારે આજરોજ સવારના સમયે અંકલેશ્વર હાંસોટ રોડ પર આવેલ કડકીયા કોલેજ નજીક ઇલેક્ટ્રીક સ્કૂટરમાં અચાનક જ આગ ફાટી નીકળ હતી. સૌ પ્રથમ ધુમાડા નજરે પડતાં ચાલકે સ્કૂટર બાજુ પર પાર્ક કરી દીધું હતું અને નીચે ઉતરી ગયો હતો ત્યારબાદ સમગ્ર સ્કૂટર આગની ચપેટમાં આવી ગયું હતું.આ બનાવમાં કોઈ જાનહાનિ થઈ ન હતી. અંકલેશ્વરમાં ઉનાળામાં વાહનો તેમજ કંપનીઓમાં આગ લાગવાના બનાવવામાં વધારો થયો છે જે ચિંતાજનક બાબત કહી શકાય.