અંકલેશ્વર: GIDCમાં નોટિફાઇડ એરીયા ઓથોરિટીની ડમ્પીંગ સાઈટમાં ભીષણ આગ, 11 ફાયર ટેન્ડરોએ આગ પર મેળવ્યો કાબુ

અંકલેશ્વર જીઆઇડીસીમાં આવેલ નોટિફાઇડ એરીયા ઓથોરિટીની ડમ્પીંગ સાઈટમાં મોડી રાત્રીએ આગ ફાટી નીકળતા દોડધામ મચી જવા પામી હતી.

author-image
By Connect Gujarat Desk in ભરૂચ સમાચાર
New Update

  • અંકલેશ્વરમાં ફરીએકવાર આગનો બનાવ

  • જીઆઈડીસીમાં લાગી આગ

  • નોટીફાઇડ એરીયા ઓથો.ની ડમ્પીંગ સાઈટમાં આગ

  • આગે વિકરાળ સ્વરૂપ ધારણ કર્યું

  • 11 ફાયર ટેન્ડરોએ આગ પર મેળવ્યો કાબુ

અંકલેશ્વર જીઆઇડીસીમાં આવેલ નોટિફાઇડ એરીયા ઓથોરિટીની ડમ્પીંગ સાઈટમાં મોડી રાત્રીએ આગ ફાટી નીકળતા દોડધામ મચી જવા પામી હતી.
અંકલેશ્વર ઔદ્યોગિક વસાહતમાં બેઇલ કંપનીની બાજુમાં નોટિફાઇડ એરીયા ઓથોરીટીની ડમ્પીંગ સાઈટ આવેલી છે.ડમ્પીંગ સાઇટમાં ડોમેસ્ટિક વેસ્ટનો
 મોટો જથ્થો પડેલો હતો જેમાં ગતરોજ મોડીરાત્રીના સમયે અચાનક જ આગ ફાટી નીકળી હતી.જોતજોતામાં આગે વિકરાળ સ્વરુપ ધારણ કર્યું હતું. જેના પગલે ધુમાડાના ગોટેગોટા અને અગન જ્વાળા દૂર દૂર સુધી નજરે પડી હતી.
આ અંગેની જાણ થતા જ અંકલેશ્વર તેમજ પાનોલી ડી.પી.એમ.સી.ના 11 જેટલા ફાયર ટેન્ડરો ઘટના સ્થળે દોડી આવ્યા હતા અને આગ પર કાબુ મેળવવા પ્રયત્નો શરૂ કર્યા હતા.લગભગ બેથી અઢી કલાકની જહેમત બાદ હાગ પર કાબુ મેળવાયો હતો.અત્રે ઉલ્લેખનીય છે કે બે દિવસ અગાઉ ભરૂચ નગર સેવા સદનની કાસદ ગામ નજીક આવેલ હંગામી ડમ્પિંગ સાઈટમાં પણ આગ ફાટી નીકળી હતી ત્યારે ભરૂચ જિલ્લામાં બે દિવસમાં બે સ્થળોએ ડમ્પિંગ સાઈટમાં આગ લાગવાના બનાવો બન્યા છે.
#Ankleshwar #Ankleshwar GIDC #Fire #dumping site #Gujarat #Bharuch #Fire Broke out
Related Articles
Read the Next Article

ભરૂચ: પોલીસ દ્વારા BAIL કંપનીમાં રૂ.1.25 કરોડની કિંમતના ડ્રગ્સના જથ્થાનો કરાયો નાશ !

ભરૂચ પોલીસ દ્વારા રૂ.1.25 કરોડની કિંમતના ડ્રગસના જથ્થાનો વૈજ્ઞાનિક ઢબે નાશ કરાયો, 17 ગુનામાં  ડ્રગ્સનો 600 કિલો જથ્થો ઝડપાયો હતો.રાજ્યમાં  તા.૨૧/૦૫/૨૦૨૫ થી તા.૧૯/૦૬/૨૦૨૫ સુધી નાર્કોટીકસના

author-image
By Connect Gujarat Desk in ભરૂચ Featured
New Update

ભરૂચ પોલીસની કાર્યવાહી

ડ્રગસના જથ્થાનો નાશ કરાયો

દહેજની બેઇલ કંપનીમાં નાશ કરાયો

રૂ.1.25 કરોડની કિંમતનું ઝડપાયું હતું ડ્રગસ

વૈજ્ઞાનિક ઢબે નાશ કરાયો

ભરૂચ પોલીસ દ્વારા રૂ.1.25 કરોડની કિંમતના ડ્રગસના જથ્થાનો વૈજ્ઞાનિક ઢબે નાશ કરાયો, 17 ગુનામાં  ડ્રગ્સનો 600 કિલો જથ્થો ઝડપાયો હતો.
રાજ્યમાં  તા.૨૧/૦૫/૨૦૨૫ થી તા.૧૯/૦૬/૨૦૨૫ સુધી નાર્કોટીકસના ગુન્હામાાં જપ્ત કરેલ મુદ્દામાલના નાશ-નિકાલની કાર્યવાહી કરવા માટે ઝુંબેશ હાથ ધરવામાં આવી હતી. જે અંતર્ગત ભરૂચ જિલ્લા ડ્રગ્સ ડિસ્પોઝલ કમિટીના અધ્યક્ષ મયુર ચાવડા  તથા ડ્રગ્સ ડિસ્પોઝલ કમિટીના સભ્ય ડૉ. કુશલ ઓઝા, નાયબ પોલીસ અધિક્ષકના  માર્ગદર્શન હેઠળ એસ.ઓ.જી. ભરૂચના પોલીસ ઇન્સ્પેકટર એ.એ.ચૌધરીના સંકલન દ્વારા ભરૂચ જિલ્લાના 7 પોલીસ પોલીસ મથકના 17 ગુનામાં ઝડપાયેલા રૂ.1.25 કરોડની કિંમતના 608 કિલો ડ્રગ્સનો દહેજમાં આવેલ બેઇલ કંપની ખાતે વૈજ્ઞાનિક ઢબે નાશ કરવામાં આવ્યો હતો.સૌથી વધુ 576 કિલો ડ્રગ્સ અંકલેશ્વર શહેર એ ડિવિઝન પોલીસ દ્વારા જપ્ત કરવામાં આવ્યું હતું.