અંકલેશ્વર: SOGએ કરશનવાડીમાંથી ગાંજાના જથ્થા સાથે આરોપીની કરી ધરપકડ

ભરૂચ એસ.ઓ.જી.એ અંકલેશ્વરના સુરતી ભાગોળ ગુજરાત હાઉસિંગ બોર્ડની સામે કરશનવાડીમાંથી ગાંજાના જથ્થો સાથે એક ઇસમને ઝડપી પાડ્યો હતો.

અંકલેશ્વરના સુરતી ભાગોળ ગુજરાત હાઉસિંગ બોર્ડની સામે કરશનવાડીમાં રહેતો માનવ દેવીદાસ ખત્રી પોતાના ઘરે ગાંજાનો જથ્થો સંતાડી રાખી વેચાણ કરે છે.જેવી બાતમીના આધારે ભરૂચ એસ.ઓ.જી.ની ટીમે દરોડા પાડ્યા હતા.પોલીસે સ્થળ પરથી 1.293 કિલો ગ્રામ ગાંજો અને ફોન મળી કુલ 17 હજારથી વધુનો મુદ્દામાલ કબ્જે કર્યો હતો.અને મૂળ સુરત અને હાલ અંકલેશ્વરના સુરતી ભાગોળ ગુજરાત હાઉસિંગ બોર્ડની સામે કરશનવાડીમાં રહેતો માનવ દેવીદાસ ખત્રીને ઝડપી પાડ્યો હતો.