અંકલેશ્વર: ન.પા.સંચાલિત સમડી ફળીયા શાળાના મકાનનું બાંધકામ 3 વર્ષથી ખોરંભે, વિદ્યાર્થીઓ અન્ય સ્કૂલમાં અભ્યાસ અર્થે જવા મજબૂર !

અંકલેશ્વર નગરપાલિકા સંચાલિત સમડી ફળીયાની પ્રાથમિક શાળાના ભુમી પૂજન થયાને ત્રણ ત્રણ વર્ષો વીતી ગયા છતાંય હજુ સુધી તેના કોઈ ઠામ ઠેકાણા જોવા મળતા નથી

author-image
By Connect Gujarat Desk in ભરૂચ સમાચાર
New Update

  • અંકલેશ્વરના સમડી ફળિયામાં આવેલી છે શાળા

  • શાળાના મકાનનું 3 વર્ષ અગાઉ થયું હતું ભૂમિપૂજન

  • હજુ પણ મકાનનું કામ અધૂરું

  • વિદ્યાર્થીઓ અન્ય શાળામાં અભ્યાસ અર્થે જવા મજબુર

  • વિપક્ષના શાસકો પર પ્રહાર

Advertisment
અંકલેશ્વર નગરપાલિકા સંચાલિત સમડી ફળીયાની પ્રાથમિક શાળાના ભુમી પૂજન થયાને ત્રણ ત્રણ વર્ષો વીતી ગયા છતાંય હજુ સુધી તેના કોઈ ઠામ ઠેકાણા જોવા મળતા નથી. પાલિકાના સતાધિશો શિક્ષણ જેવી પ્રાથમિક જરૂરિયાતની ગંભીરતા સમજતા નથી જે ખેદ જનક બાબત છે.
અંકલેશ્વર નગરપાલિકા સંચાલિત તેમજ નગર પ્રાથમિક શિક્ષણ સમિતિના નેજા હેઠળ આવેલી સમડી ફળીયાની પ્રાથમિક શાળાને નવી ઇમારત મળશે તેવી ગુલબાંગો હાંકી પાલિકાના સતાધિશોએ મોટા ઉપાડે ત્રણ વર્ષ પુર્વે ભુમી પૂજન કર્યું હતુ. આટઆટલો સમય થયો છતાં હજુ આ શાળાની ઇમારત તૈયાર થઇ નથી.પાલિકાના સતાધિશોની અણઆવડતને કારણે આ શાળાના વિદ્યાર્થીઓએ અન્ય શાળામાં અભ્યાસ અર્થે જવુ પડી રહ્યુ છે.આ અંગે વિપક્ષી સદસ્ય રફીક ઝઘડીયાવાલાએ પાલિકાના સતાધિશોની આકરી ટીકા કરી હતી અને જે તે સમયના સતાધિશો અને હાલના આ વોર્ડના નગરસેવકોની ઉદાસીનતા પરત્વે નારાજગી વ્યક્ત કરી બાળકોનું શિક્ષણ બગડી રહ્યુ હોવાનું નિવેદન આપ્યું હતું
આ અંગે નગર સેવા સદનની કારોબારી સમિતિના અધ્યક્ષ નિલેશ પટેલે ટેલીફોનીક વાતચીતમાં જણાવ્યું હતું કે શાળાનું કામ પ્રગતિમાં જ છે.રૂ.1 કરોડનો ખર્ચે શાળાનું બાંધકામ ચાલી રહ્યું છે કેટલીક ટેક્નિકલ બાબતોના કારણે કામ મોડું થયું છે પણ આવનારા દિવસોમાં કામ પૂર્ણ થઈ જશે.
#Students #Nagar palika #Ankleshwar #works #Government School #CGNews #building
Advertisment
Related Articles
Read the Next Article

ભરૂચ: ક્રાઇમ બ્રાન્ચે ચોરીના ગુનામાં 21 વર્ષથી ફરાર આરોપીની મહારાષ્ટ્રમાંથી કરી ધરપકડ, ચોરીના 10 ગુનામાં સંડોવણીનો ખુલાસો

ભરૂચ ક્રાઇમ બ્રાન્ચની ટીમને હ્યુમન સોર્સ આધારે બાતમી મળી હતી કે ભરૂચ તાલુકા પોલીસ સ્ટેશનના વર્ષ ૨૦૦૪ના ઘરફોડ ચોરીના ગુનામાં નાસતો ફરતો આરોપી મહારાષ્ટ્રના પરંતુર જાલના ખાતે રહે છે

author-image
By Connect Gujarat Desk in ભરૂચ સમાચાર
New Update
Theft Case Bharuch
ભરૂચ ક્રાઇમ બ્રાન્ચની ટીમને હ્યુમન સોર્સ આધારે બાતમી મળી હતી કે ભરૂચ તાલુકા પોલીસ સ્ટેશનના વર્ષ ૨૦૦૪ના ઘરફોડ ચોરીના ગુનામાં નાસતો ફરતો આરોપી ધરમસીંગ ગુરુબચ્ચસીંગ સીકલીગર મહારાષ્ટ્રના પરંતુર જાલના ખાતે રહે છે જેથી એલ.સી.બી. ટીમને તાત્કાલિક મહારાષ્ટ્રના જાલના ખાતે આરોપીની તપાસમાં મોકલવામાં આવી હતી અને તપાસમાં ગયેલ ટીમ દ્વારા જાલના ખાતે વોચ કરી છેલ્લા ૨૧ વર્ષથી નાસતા ફરતા આરોપીને ઝડપી પાડી તેની પુછપરછ કરતા ગુનાની કબૂલાત કરી હતી.ક્રાઇમ બ્રાન્ચે આરોપીને ભરૂચ તાલુકા પોલીસને સોંપ્યો છે.આરોપી ઘરફોડ સહિતના 10 ગુનાઓમાં સંડોવાયેલ હોવાનું બહાર આવ્યું છે.
#Accused Arrest' #Bharuch Police #Bharuch Crime Branch #Bharuch theft case #Theft Case
Advertisment