અંકલેશ્વર: કાપોદ્રા પાટીયા નજીક પાર્ક કરેલ બાઇકની ચોરી, GIDC પોલીસે તપાસ શરૂ કરી

અંકલેશ્વરના કાપોદ્રા પાટિયા પાસે આવેલ ખેતલા આપા ટી-સ્ટોલ નજીક પાર્ક કરેલ બાઈકની ચોરી કરી વાહન ચોરો ફરાર થઇ ગયા હતા . મૂળ યુપી અને હાલ અંકલેશ્વર ઓ.એન.જી.સી.બ્રીજ પાસે આવેલ વિરાટ નગરમાં રહેતા મનીષકુમાર વિનોદ વર્માએ ગત તારીખ-૨૬મી ઓક્ટોબરના રોજ અંકલેશ્વરના કાપોદ્રા પાટિયા પાસે આવેલ ખેતલા આપા ટી-સ્ટોલ ખાતે ચા પીવા ગયા હતા જેઓએ પોતાની બાઈક નંબર-જી.જે.૧૬.સી.ડી.૯૩૦૧ ટી-સ્ટોલ પાસે પાર્ક કરી હતી તે દરમિયાન વાહન ચોરો ત્રાટકી 40 હજારની બાઈકની ચોરી કરી ફરાર થઇ ગયા હતા.વાહન ચોરી અંગે જી.આઈ.ડી.સી.પોલીસે ગુનો નોંધી તપાસ હાથ ધરી છે.