અંકલેશ્વર ઔદ્યોગિક વસાહતમાં આવેલ કેડીલા કંપની નજીક અજાણ્યા વાહનની અડફેટે એક વ્યક્તિનું મોત નીપજ્યું હતું

અંકલેશ્વર ઔદ્યોગિક વસાહતમાં અકસ્માતનો વધુ એક બનાવ સામે આવ્યો છે.અકસ્માતના આ બનાવમાં જીઆઇડીસીમાં આવેલી કેડીલા ફાર્મા કંપની નજીકથી આજે વહેલી સવારે એક વ્યક્તિ ચાલતો પસાર થઈ રહ્યો હતો તે દરમિયાન પૂરઝડપે જતા અજાણ્યા વાહનના ચાલકે રાહદારીને અડફેટમાં લીધો હતો જેમાં ગંભીર ઇજાના પગલે તેનું ઘટના સ્થળે જ મોત નીપજ્યું હતું. આ તરફ અકસ્માત સર્જી અજાણ્યો વાહન ચાલક ફરાર થઈ ગયો હતો.બનાવની જાણ થતાની સાથે જ અંકલેશ્વર જીઆઇડીસી પોલીસનો કાફલો ઘટના સ્થળે દોડી આવ્યો હતો અને મૃતકના મૃતદેહને પોસ્ટમોર્ટે ખસેડ્યો હતો.પોલીસની પ્રાથમિક તપાસમાં મૃતક વડોદરાનો રહેવાસી અફઝલ નામનો ઈસમ હોવાનું બહાર આવ્યું છે.આ ઉપરાંત તે ટ્રક ચલાવતો હતો. આ મામલામાં જીઆઇડીસી પોલીસે અજાણ્યા વાહનચાલક વિરુદ્ધ ગુનો નોંધી કાયદેસરની કાર્યવાહી હાથ ધરી છે.