ભરૂચ જિલ્લામાં છેલ્લા 2 દિવસથી વરસાદી વાતાવરણ વચ્ચે ધોધમાર વરસાદ વરસી રહ્યો છે ત્યારે આજે રવિવારે પણ સવારથી જ ધોધમાર વરસાદ વરસ્યો હતો

સમગ્ર દક્ષિણ ગુજરાત સહિત ભરૂચ જિલ્લામાં ધોધમાર વરસાદ વરસી રહ્યો છે.છેલ્લા બે દિવસથી વરસાદી વાતાવરણ જોવા મળી રહ્યું છે. દક્ષિણ ગુજરાતના વલસાડ,વાપી, નવસારી અને સુરતમાં વરસાદ વરસ્યો હતો ત્યારે ભરૂચ જિલ્લો પણ બાકાત રહ્યો નથી ભરૂચ જિલ્લામાં છેલ્લા બે દિવસથી મેઘરાજા મહેરબાન થયા છે.

કાળા ડિબાંગ વાદળોની ફોજ સાથે વરસાદ વરસી રહ્યો છે ત્યારે ભરૂચ જિલ્લામાં વરસેલ વરસાદના તાલુકાવાર આંકડા પર નજર કરીએ તો જંબુસરમાં છ મીલીમીટર,આમોદમાં 1 ઇંચ, વાગરામાં બે ઇંચ,ભરૂચમાં સાત મિલીમીટર, ઝઘડિયામાં બે મિલીમીટર,અંકલેશ્વરમાં આઠ મિલીમીટર, હાંસોટમાં 15 મિલીમીટર,વાલીયામાં સાત મીલીમીટર તેમજ નેત્રંગમાં 14 મીલીમીટર વરસાદ નોંધાયો હતો. આજરોજ રવિવારે સવારથી જ ધોધમાર વરસાદ વરસી રહ્યો છે ત્યારે લોકો રવિવારની રજની  મજા વરસાદ સાથે માણી રહ્યા છે