ભરૂચ: એક અઠવાડિયાના વિરામ બાદ મેઘરાજાની પુન: ધમાકેદાર બેટિંગ, તમામ 9 તાલુકા ભીંજાયા

• ભરૂચ જિલ્લામાં સાર્વત્રિક વરસાદ

• તમામ 9 તાલુકામાં વરસાદ વરસ્યો

• એક અઠવાડિયાના વિરામ બાદ વરસાદનું આગમન

• રસ્તા પર પાણી જ પાણી નજરે પડ્યા

• 24 કલાક ભારેથી અતિભારે વરસાદની આગાહી

ભરૂચ અને જિલ્લામાં મેઘરાજાની ફરી એકવાર ધમાકેદાર બેટિંગ જોવા મળી રહી છે. એક અઠવાડિયાના વિરામ બાદ ફરી એકવાર ધોધમાર વરસાદ વરસી રહ્યો છે. સવારથી વાદળછાયા વાતાવરણ વચ્ચે ઝરમર વરસાદ બપોરના સમયે ધોધમાર વરસાદ વરસ્યો હતો. હવામાન વિભાગ દ્વારા આગામી 24 કલાક દક્ષિણ ગુજરાતમાં ભારેથી અતિભારે વરસાદની આગાહી કરવામાં આવી છે.જે મુજબ જ વરસાદનું આગમન થયું છે. ભરૂચ જિલ્લાના તમામ નવ તાલુકામાં સાર્વત્રિક વરસાદ વરસ્યો હતો.સૌથી વધુ વરસાદ અંકલેશ્વર,હાંસોટ નેત્રંગ અને વાલિયા પંથકમાં નોંધાયો હતો. ભરૂચ શહેરના વિવિધ વિસ્તારોમાં પણ ધોધમાર વરસાદ વરસ્યો હતો જેના કારણે વાતાવરણમાં ઠંડક પ્રસરી હતી