ભરૂચ વૃદ્ધાની હત્યાની કોશિશનો મામલો 

વૃદ્ધા પર પાઇપ વડે કર્યો હતો હુમલો 

ચોરી કરવાના ઇરાદે આવેલા શખ્સોએ કર્યો હતો હુમલો 

એક વર્ષ અગાઉ બની હતી ઘટના 

પોલીસે કરી બે સગીર વયના આરોપીઓની ધરપકડ 

ભરૂચના ઝાડેશ્વર વિસ્તારમાં નિલકંઠેશ્વર મહાદેવ મંદિર પાસે મનન આશ્રમ માર્ગ પર આવેલા મકાનમાં 65 વર્ષીય દક્ષા શિવનંદન પટેલ એકલા રહે છે.ગત તારીખ 23મી ઓગષ્ટ 2023ના રોજ દક્ષાબેન પોતાના ઘરમાં એકલા તે સમયે કોઈ અજાણ્યા ઈસમો તેમના મકાનમાં પ્રવેશ કરીને તેને કોઈ હથિયાર વડે માથામાં ઇજાઓ કરી ફરાર થઇ ગયા હતા.દક્ષાબેન પોતાના મકાનમાં ઈજાગ્રસ્ત હાલતમાં પડ્યા હતા.

અને તેમના પુત્રી જમાઈએ તેમને તાત્કાલિક સારવાર અર્થે હોસ્પિટલમાં ખસેડવામાં આવ્યા હતા.આ ઘટનામાં દક્ષાબેનના જમાઈ હર્ષકુમાર ભગવાનદાસ પટેલ ભરૂચ સી ડિવિઝન પોલીસ મથકમાં અજાણ્યા ઈસમો વિરુદ્ધ હત્યાની કોશિશની ફરિયાદ નોંધાવી હતી.

આ અંગે ભરૂચ જિલ્લા LCB આ ગુનાને અંજામ આપનાર બે સગીર આરોપીઓની ધરપકડ કરી હતી. અને પોલીસની પૂછપરછમાં આરોપીઓએ ગુન્હાની કબૂલાત કરી હતી.આ અંગેની વધુ તપાસ અર્થે સી ડિવિઝન પોલીસ દ્વારા વધુ કાર્યવાહી કરવામાં આવી છે.