ભરૂચ: પોલીસ દ્વારા ભાડુઆતની નોંધણી નહીં કરાવનાર મકાન-દુકાન માલિકો સામે જાહેરનામા ભંગના 480 ગુના દાખલ કરાયા

આગામી તહેવારો નિમિતે ભરૂચ જિલ્લામાં કાયદો અને વ્યવસ્થા જળવાઇ રહે તે હેતુસર પોલીસ મહાનિરીક્ષક સંદીપસિંહ વડોદરા વિભાગ, વડોદરા તથા પોલીસ અધિક્ષક અક્ષય રાજની સુચનાના આધારે  અસામાજીક તત્વો મહત્વના શહેરોમાં ભાડેથી મકાન/દુકાનો રાખી શહેરોનો સર્વે કરી સ્થાનિક પરિસ્થિતિથી માહિતગાર થઇ તેઓની અસામાજીક પ્રવૃત્તિને અંજામ આપતા હોય છે આ પરિસ્થિતિને નિવારી શકાય તેમજ અંકુશમાં લાવી શકાય તે હેતુસર ભરૂચ પોલીસ દ્વારા 4 દિવસની સ્પેશ્યલ ડ્રાઇવ હાથ ધરી  મકાન/દુકાનો ભાડે આપી તેઓનુ સ્થાનિક પોલીસ સ્ટેશનમાં નિયત ફોર્મ મુજબ જાણ નહી કરતા મકાન/દુકાન માલીકોનુ ચેકીંગ કરવામાં આવ્યું હતું તેમજ પરપ્રાંતીય શ્રમિકોનું વેરિફિકેશન ચેક કરવામાં આવ્યું હતું ત્યારે પોલીસ દ્વારા જાહેરનામા ભંગના કુલ 480 ગુના દાખલ કરવામાં આવ્યા છે.સૌથી વધુ ભરૂચ સ્પેશ્યલ ઓપરેશન ગ્રુપની ટીમ દ્વારા 113 કેસ કરવામાં આવ્યા છે.