ભરૂચ: ઝઘડિયાના રતનપુર ગામે ઘર આંગણે પાર્ક કરેલ મોપેડની ચોરી કરતા ટાબરીયાઓ CCTV કેમેરામાં કેદ !

ભરૂચના ઝઘડિયા તાલુકાના રતનપુર ગામના મુસ્તકીમ ખોખર પોતાની એક્ટિવા ગાડીમાં ચાવી રાખી ઘરમાં ગયા અને થોડીવારમાં બહાર આવ્યા ત્યારે કોઈ અજાણ્યા ઈસમો એક્ટિવા લઈ રફુચક્કર થયા હતા. આ સમગ્ર ઘટના સીસીટીવીમાં કેદ થઈ હતી. સીસીટીવી ચેક કરતા અંદાજે 9 થી 10 વર્ષના બે અજાણ્યા બાળકો એકટીવા લઈને જતાં નજરે પડ્યા હતા.આ બનાવ અંગે રાજપારડી પોલીસમાં જાણ કરતા રાજપારડી પોલીસે સીસીટીવી ફૂટેજના આધારે તપાસ હાથ ધરી છે.