ભરૂચ : સામે ચોમાસે ગોકળ ગતિએ ચાલતી રોડની કામગીરીથી આકાંક્ષાનગરી સહિતના સ્થાનિકો પરેશાન..!

ભરૂચના ઉમરાજ ગ્રામ પંચાયતમાં આવેલ આકાંક્ષાનગરી સહિતના વિસ્તારમાં છેલ્લાં 3 માસથી ચાલતી રોડની કામગીરીથી રહીશો ત્રાહીમામ પોકારી ઉઠ્યા છે.

New Update

ઉમરાજ ગ્રામ પંચાયત હદ વિસ્તારના સ્થાનિકોને હાલાકી

આકાંક્ષાનગરી સહિતના વિસ્તારમાં ચાલતી રોડની કામગીરી

ગોકળ ગતિએ ચાલતી રોડની કામગીરીથી સ્થાનિકો પરેશાન

છેલ્લાં 3 માસથી ચાલતી રોડની કામગીરીથી રહીશો પરેશાન

ચોમાસાના આગમનની ઘડીઓ ગણાતા લોકોની ચિંતામાં વધારો

ભરૂચના ઉમરાજ ગ્રામ પંચાયતમાં આવેલ આકાંક્ષાનગરી સહિતના વિસ્તારમાં છેલ્લાં 3 માસથી ચાલતી રોડની કામગીરીથી રહીશો ત્રાહીમામ પોકારી ઉઠ્યા છે. ચોમાસાના આગમનના એંધાણ વર્તાઇ રહ્યા હોયત્યારે લોકો ચિંતામાં મુકાયા છે. ભરૂચના દહેજ બાયપાસને જોડતા ઉમરાજ ગામની આકાંક્ષા સોસાયટી સહિતના વિસ્તારમાં ગટર અને તે બાદ રોડ બનાવવાની કામગીરી ગોકળ ગાયની ગતિએ ચાલી રહી છે. જેના કારણે અહીંના રહીશોને ભારે હાલાકી વેઠવાનો વારો આવ્યો છે. આ અંગે ગ્રામ પંચાયત તેમજ કલેકટર કચેરી સહિતના જવાબદાર તંત્રને રજૂઆત કરવામાં આવી હોવા છતાં પણ પરિણામ શૂન્ય છે. હવે ચોમાસાની ઘડીઓ ગણાઇ રહીં છેત્યારે અહીંની હાલત અત્યંત બદતર થઈ શકે છે. બાયપાસ સુધી જવું પણ અત્યંત મુશ્કેલ થઈ શકે તેવી આશંકાથી રહીશો ચિંતાતુર બન્યા છે. કોઈપણ પ્રકારના આયોજન વગર રોડ-રસ્તા સહિતની કામગીરી શરૂ કરી દીધા બાદ પ્રજાજનોને પડતી હાડમારીનો વિચાર તંત્ર દ્વારા કરવામાં આવતો નથીત્યારે ચોમાસા પૂર્વે આ કામગીરી પૂર્ણ કરવામાં આવે તેવી માંગ ઉઠવા પામી છે.

Read the Next Article

અંકલેશ્વર: હાંસોટના ઇલાવ ગામે રૂપસુંદરી નામનો સાપ નજરે પડ્યો, જીવદયા પ્રેમી દ્વારા પકડી સુરક્ષિત જગ્યાએ છોડી મુકાયો

હાલ ચોમાસાની ઋતુ ચાલી રહી છે ત્યારે સરીસૃપો દરમાંથી બહાર આવી જતા હોય છે. આવા સમયે ભરૂચના હાંસોટના તાલુકાના ઇલાવ ગામે સાપ નજરે પડતા દોડધામ મચી જવા પામી હતી.

New Update
Screenshot_2025-07-09-07-39-15-29_92460851df6f172a4592fca41cc2d2e6

હાલ ચોમાસાની ઋતુ ચાલી રહી છે ત્યારે સરીસૃપો દરમાંથી બહાર આવી જતા હોય છે. આવા સમયે ભરૂચના હાંસોટના તાલુકાના ઇલાવ ગામે સાપ નજરે પડતા દોડધામ મચી જવા પામી હતી.

ઇલાવ ગામે રામજી મંદિર ફળિયામાં યુવાનોએ સાપ જોયો હતો આ અંગેની જાણ સાપ રક્ષણ માટે છેલ્લા ત્રણ વર્ષથી કાર્ય કરતા ગામના  જૈમીન  પરમારને કરી હતી.જૈમીન પરમારે આવી સાપનું રેસ્ક્યુ ઓપરેશન હાથ ધર્યું હતું અને તેને પકડી સુરક્ષિત જગ્યાએ છોડી મૂકવાની તજવીજ હાથ ધરી હતી.સાપને બહાર કાઢી જોતા તે 2 ફૂટ લાંબો અને બિનઝેરી પ્રજાત્તિનો રૂપસુંદરી તરીકે ઓળખતો સાપ હોવાનું જણાવ્યું હતું. તેનો દેખાવ ખુબ સુંદર હોય તેને રૂપસુંદરી કહેવામાં આવે છે. ગ્રામજનો તેને સૂકી સાપણ તરીકે પણ ઓળખે છે.અંગ્રેજીમાં તેને કોમન ટ્રીનકેટ સાપ તરીકે પણ ઓળખવામાં આવે છે.