અંકલેશ્વર: પાનોલી GIDCમાં બાઇકની અડફેટે રાહદારી યુવાનનું કરુણ મોત

મૂળ રાજસ્થાન અને હાલ અંકલેશ્વરના સંજાલી ગામના મહારાજા નગરમાં રહેતા 35 વર્ષીય ભગુ ભૂમિ અહારી ગતરોજ સવારે 8:30 કલાકે કંપની પરથી છૂટી પોતાના ઘરે જઈ રહ્યો હતો તે દરમિયાન પાનોલી જી.આઈ.ડી.સી.ની હાઈકલ કંપની પાસે પુરપાટ ઝડપે દોડતી અજાણ્યા બાઇક ચાલકે રાહદારીને ટક્કર મારતા અકસ્માત સર્જાયો હતો અકસ્માતને પગલે ગંભીર ઇજાઓ પહોંચતા ભગુ અહારીને સારવાર માટે અંકલેશ્વરની ખાનગી હોસ્પિટલમાં ખસેડવામાં આવ્યો હતો જ્યાં ટૂંકી સારવાર દરમિયાન  તેનું કરૂણ મોત નીપજયું હતું. અકસ્માત અંગે પાનોલી પોલીસે ગુનો નોંધી તપાસ હાથ ધરી છે.