Connect Gujarat
ગુજરાત

ભાવનગર : ચા પીવડાવી લૂંટ ચલાવનાર 2 ઇસમો ઝડપાયા, મોબાઈલ સહિત રોકડ રકમ જપ્ત

ભાવનગર શહેરમાં નશીલા દ્રવ્ય પીવડાવી 6 જેટલાં ટ્રક ડ્રાઇવારોના મોબાઈલ અને રોકડની ચોરી કરનાર 2 ઇસમો ઝડપાયા છે.

X

ભાવનગર શહેરમાં નશીલા દ્રવ્ય પીવડાવી 6 જેટલાં ટ્રક ડ્રાઇવારોના મોબાઈલ અને રોકડની ચોરી કરનાર 2 ઇસમો ઝડપાયા છે. ક્રાઇમ બ્રાન્ચ પોલીસે બન્ને ઇસમો વિરુદ્ધ કાયદેસરની કાર્યવાહી હાથ ધરી છે.

ભાવનગર લોકલ ક્રાઇમ બ્રાન્ચને બાતમી મળી હતી કે, 2 હિન્દીભાષી ઇસમો આખલોલ જકાતનાકા પુલ નજીક કેટલાક લોકોને મોબાઇલ બતાવી વેચવાનો પ્રયાસ કરે છે. તેઓ પાસે 5 જેટલાં મોબાઇલ ફોન છે, જે તેઓ કયાંકથી ચોરી કરી લાવ્યા હોવાની શંકાએ પોલીસે સ્થળ પર પહોચી બન્ને હિન્દીભાષીની તલાશી લેતા તેઓની પાસેથી 3 મોબાઇલ ફોન, પાવડરની પડીકી, રોકડ રકમ, ડ્રાયવીંગ લાયસન્સ તથા આધાર કાર્ડ મળી આવ્યા હતા. ઉપરાંત બન્ને ઈસમો પાસેથી પોલીસે કુલ રૂ. ૨૯,૮૫૦/-નો મુદ્દામાલ જપ્ત કરી વધુ તપાસ હાથ ધરી હતી.

પોલીસ પૂછપરછમાં આરોપી નાઝીમ શેખે જણાવ્યુ હતું કે, તેણે ઇરફાન શેખ સાથે મળીને માર્કેટીંગ યાર્ડમાં ટ્રક ડ્રાઇવર સહીત કુલ 5 લોકોને ચ્હામાં પાવડર ભેળવીને પીવડાવી હતી. જે બાદ બેભાન થઈ જતાં તેઓ પાસેથી મોબાઇલ અને રોકડ રકમ લઈ નાસી છૂટ્યા હતા. જે અંગે લોકલ ક્રાઇમ બ્રાન્ચે માર્કેટીંગ યાર્ડ ખાતેનો આ ગુન્હો ગણતરીના કલાકોમાં ઉકેલી આરોપીઓને ઝડપી પાડ્યા હતા.

Next Story