ભાવનગર : અમરગઢ ખાતે આત્મનિર્ભર ગ્રામ યાત્રા અંતર્ગત વાનગી સ્પર્ધા યોજાય

સંકલિત બાળ વિકાસ યોજનાની કચેરીના માર્ગદર્શન હેઠળ ભાવનગર જિલ્લાના અમરગઢ ખાતે આત્મનિર્ભર ગ્રામ યાત્રા અંતર્ગત વાનગી સ્પર્ધા યોજાય હતી. બહેનોના વાનગીના કલા-કસમને પ્રેરણા પૂરી પાડવા માટે જિલ્લા પંચાયતના પ્રમુખ ભરતસિંહ ગોહિલ, મામલતદાર મોસમ જાસપુરીયા સહિતના અગ્રણી અધિકારીઓ ઉપસ્થિત રહ્યા હતા.

આ કાર્યક્રમમાં વાનગી સ્પર્ધામાં પ્રથમ ક્રમે આવનાર પૂજા મકવાણા, દ્વિતીય ક્રમે આવનાર ગીતા પંડ્યા અને તૃતિય ક્રમે આવનાર શીતલ જોષીને પ્રોત્સાહક ઈનામ આપીને સન્માન કરવામાં આવ્યું હતું. આ વાનગી સ્પર્ધાને સફળ બનાવવા માટે સંકલિત બાળવિકાસ વિભાગની આંગણવાડી સંચાલક સહાયક બહેનોએ ભારે જહેમત ઉઠાવી હતી.