/connect-gujarat/media/media_files/2024/12/03/EmlFOe517AgeUF2cOL9j.jpeg)
પંચમહાલ જિલ્લાના કાલોલ તાલુકામાં સર્કલ ઓફિસર તરીકે ફરજ બજાવતા નાયબ મામલતદાર રૂપિયા 10,000ની લાંચ લેતા ACBએ રંગેહાથ ઝડપી લીધો હતો. પડતર જમીનમાં ખેતી ખેડવા માટે સર્કલ ઓફિસરે એક લાખની માંગણી કરી હતી.
પંચમહાલ જિલ્લાના કાલોલ તાલુકામાં આવેલ મામલતદાર કચેરીના સર્કલ ઓફિસરની ચેમ્બર, સર્કલ ઓફિસર તરીકે ફરજ બજાવતા રાકેશ કુમાર કશનાભાઈ સુથારિયા અરજદાર પાસે સરકારી પડતર જમીનમાં ખેતી કરવા માટે અરજી કરી હતી.જેમાં સર્કલ ઓફીસરે પડતર જમીનમાં ખેતી કરવા માટે એક લાખ રૂપિયાની માંગણી કરી હતી.
જો એક લાખ રૂપિયા એક સાથે ના અપાય તો હપ્તે હપ્તે આપવા માટે સંમતિ દર્શાવી હતી.જે લાંચના નાણા અરજદાર આપવા માટે માંગતો ન હતો. તેથી અરજદાર દ્વારા ACBનો સંપર્ક કર્યો હતો.અને આજરોજ ACBએ કાલોલ મામલતદાર કચેરી ખાતે છટકું ગોઠવ્યું હતું, જે છટકામાં રૂપિયા 10,000ની લાંચ સ્વીકારતા રાકેશ કુમાર સુથારીયા રંગે હાથે ઝડપાઇ ગયો હતો.