• માળીયા હાટીના પાસે સર્જાયો ગોઝારો અકસ્માત

• બે કાર વચ્ચે સર્જાયો ભયંકર અકસ્માત

• કારમાં રહેલો ગેસનો બોટલ ફાટતા લાગી આગ

• પાંચ વિદ્યાર્થીઓ સહિત સાત લોકોના કરૂણ મોત

• અકસ્માત અંગે પોલીસે શરૂ કરી તપાસ

Advertisment

જૂનાગઢના માળીયા હાટીના નજીક આવેલા ભંડુરી પાસે બે કાર વચ્ચે અકસ્માત સર્જાતા સાત લોકોના મોત નિપજ્યા છે.આ ગંભીર અકસ્માતમાં સાત મૃતકોમાં પાંચ વિદ્યાર્થીઓનો સમાવેશ છે. જે પરીક્ષા આપવા જતા હતા.બે કારની ટક્કર થતાં એક કારમાં રહેલો ગેસનો બાટલો ફાટતા કરુણાંતિક સર્જાઈ હતી.

જૂનાગઢ જિલ્લાના વેરાવળ હાઇવે માળીયા હાટીના પાસે આવેલા ભંડુરી ગામ પાસે આજે સવારે આઠ વાગ્યાના અરસામાં બે કાર વચ્ચે ભયંકર ટક્કર થઈ હતી.જેમાં પરીક્ષા આપવા જતાં પાંચ વિદ્યાર્થીઓ સહિત કુલ સાત લોકોના મોત થયા હતા.બે કાર વચ્ચે ટક્કર થતાં એક કારમાં રહેલો ગેસનો બાટલો ફાટતા બાજુમાં રહેલા ઝુંપડામાં પણ આગ લાગી હતી.

હાઇવે પર વહેલી સવારે બે કારની ટક્કર થતાં સ્થાનિક લોકો દોડી આવ્યા હતા,અને બચાવ કામગીરી સાથે પોલીસ અને 108ને જાણ કરી હતી.ઘટનાની જાણ થતાં જ પોલીસ કાફલા સાથે 108 અને ફાયર વિભાગની ટીમ ઘટના સ્થળે પહોંચી હતી.ઘટના સ્થળે પહોંચેલી ફાયરની ટીમે ઝુંપડામાં લાગેલી આગ પર કાબૂ મેળવ્યો હતો.જ્યારે પોલીસે મૃતકોના મૃતદેહને પોસ્ટમોર્ટમ અર્થે ખસેડીને અકસ્માત કેવી રીતે થયો એની આગળની તપાસ હાથ ધરી છે.