જૂનાગઢ: માર્કેટિંગ યાર્ડમાં મગફળી અને સોયાબીનની મબલખ આવક,રોજની નોંધાઇ 5 હજાર ગુણી

જૂનાગઢના માર્કેટીંગ યાર્ડમાં હાલ મગફળી તેમજ સોયાબીનની આવક મબલખ થઈ રહી છે, ખેડૂતોને પોષણક્ષમ ભાવ સારી ક્વોલિટી તેમજ નબળી ક્વોલિટીના યોગ્ય પ્રમાણમાં જૂનાગઢ માર્કેટિંગ યાર્ડમાં મળી રહ્યા છે.

author-image
By Connect Gujarat Desk in ગુજરાત સમાચાર
New Update

  • માર્કેટીંગ યાર્ડમાં તેલીબિયાં પાકની મબલખ આવક

  • મગફળી અને સોયાબીનની આવકમાં વધારો

  • ખેડૂતોને મળી રહ્યા છે પોષણક્ષમ ભાવ

  • રોજના 5 હજાર ગુણીની નોંધાય છે આવક

  • યાર્ડમાંથી મગફળી સહિતના પાકો કરાશે એક્સપોર્ટ

જૂનાગઢના માર્કેટીંગ યાર્ડમાં હાલ મગફળી તેમજ સોયાબીનની આવક મબલખ થઈ રહી છે, ખેડૂતોને પોષણક્ષમ ભાવ સારી ક્વોલિટી તેમજ નબળી ક્વોલિટીના યોગ્ય પ્રમાણમાં જૂનાગઢ માર્કેટિંગ યાર્ડમાં મળી રહ્યા છે.

આ યાર્ડમાં જૂનાગઢ,અમરેલી અને ગીર સોમનાથ તેમજ પોરબંદર તાલુકાના ખેડૂતો પોતાની જણસ વેચવા આવતા થયા છે, હાલ મગફળીની રોજની 5 થી 6 હજાર જેટલી ગુણની આવક નોંધાઈ રહી છે.અને પ્રતિ મણ 900 થી લઈ 1200 રૂપિયા સુધીના ભાવો ખેડૂતોને મળી રહ્યા છે.જેમાં 66 નંબર મગફળીના ભાવ અન્ય જાત કરતા વધારે મળે છે, તો બીજી તરફ સોયાબીનનાં પ્રતિ મણે 800 થી લઈ 980 સુધીના ભાવો મળી રહ્યા છે, જૂનાગઢ માર્કેટીંગ યાર્ડમાં હાલ વજન માટે ઉપયોગમાં લેવાતા ઘોડી કાંટાને બદલે ઇલેક્ટ્રિક વજન કાંટાનો ઉપયોગ કરાતો હોવાથી ખેડૂતોને યોગ્ય ન્યાય મળી રહ્યો છે, આ વર્ષે સૌરાષ્ટ્રમાં સોયાબીનની આવક સૌથી વધુ જોવા મળી રહી છે, આ યાર્ડમાંથી મગફળી સહિતના પાકો એક્સપોર્ટ કરવામાં આવી રહ્યા છે.

#Gujarat #CGNews #Junagadh #marketing yard #News #Soybeans #groundnut #revenue
Related Articles
Read the Next Article

હવામાન વિભાગ દ્વારા આગામી પાંચ દિવસ ગાજવીજ સાથે વરસાદની આગાહી કરવામાં આવી

હવામાન વિભાગની આગાહી મુજબ આજે 20 જુલાઈ રવિવારના દિવસે  કચ્છ, મોરબી અને જામનગરમાં  કેટલાક સ્થળોએ ભારે વરસાદની આગાહી કરવામાં આવી છે. ગુજરાતમાં અમુક

author-image
By Connect Gujarat Desk in ગુજરાત સમાચાર
New Update
વરસાદ

હવામાન વિભાગની આગાહી મુજબ આજે 20 જુલાઈ રવિવારના દિવસે  કચ્છ, મોરબી અને જામનગરમાં  કેટલાક સ્થળોએ ભારે વરસાદની આગાહી કરવામાં આવી છે.

આ સાથે જ સમગ્ર ગુજરાતમાં અમુક સ્થળોએ ગાજવીજ સાથે તો ક્યાંક  હળવાથી મધ્યમ વરસાદની શક્યતા છે. આ સાથે જ છૂટાછવાયા સ્થળોએ સામાન્ય વરસાદ વરસી શકે છે. આજે વરસાદની સાથે 30 થી 40 કિમી પ્રતિ કલાકની ઝડપે પવન ફૂંકાવાની શક્યતા છે.

રાજ્યમાં સરેરાશ 51.16 ટકા વરસાદ વરસ્યો

ચોમાસાની સિઝનમાં અત્યાર સુધીમાં રાજ્યમાં સરેરાશ 51.16 ટકા વરસાદ વરસ્યો છે. સૌથી વધુ કચ્છ ઝોનમાં 58.46 ટકા અને દક્ષિણ ગુજરાતમાં 55.22 ટકા વરસાદ વરસ્યો છે. પૂર્વ મધ્ય ઝોનમાં 49.39 ટકા અને સૌરાષ્ટ્રમાં 49.36 ટકા વરસાદ વરસ્યો છે. ચોમાસાની સિઝનમાં અત્યાર સુધીમાં રાજ્યના 206 પૈકી 26 ડેમ સંપૂર્ણ ભરાયા છે.  અન્ય 60 ડેમ 70 થી 100 ટકા ભરાયા છે. રાજ્યના 41 ડેમ હાઇ એલર્ટ અને 21 ડેમ એલર્ટ પર છે.  23 ડેમને વોર્નિગ આપવામાં આવી છે.

આગામી પાંચ દિવસ વરસાદની આગાહી

હવામાન વિભાગ અનુસાર આગામી પાંચ દિવસ ગાજવીજ સાથે વરસાદની આગાહી કરવામાં આવી છે. 21 અને 22 જુલાઇએ ગાજવીજ સાથે મધ્યમ વરસાદની સંભાવના છે.  એક સાથે ત્રણ વરસાદી સિસ્ટમ સક્રિય થતા રાજ્યના અનેક વિસ્તારમાં વરસાદની સંભાવના છે. હવામાન વિભાગ દ્વારા 21મી જુલાઈ સુધી અનેક વિસ્તારોમાં ગાજવીજ સાથે વરસાદની આગાહી કરવામાં આવી છે. હવામાન વિભાગે કહ્યું કે, એક સિસ્ટમ ઉત્તર પૂર્વ ઉત્તરપ્રદેશમાં સર્જાયેલી છે. જે ધીરે ધીરે પશ્ચિમ ઉત્તર પૂર્વ દિશામાં આગળ વધી રહી છે.