• વિસાવદરની પેટ ચૂંટણીની તૈયારીઓ પૂર્ણ

• ભાજપ,કોંગ્રેસ અને આપ માટે પ્રતિષ્ઠા ભર્યો જંગ

• ચૂંટણી વિભાગ દ્વારા મતદાનની તૈયારીઓ પૂર્ણ

• EVM મશીનની ફાળવણી સાથે સ્ટાફ થયો સજ્જ

• પોલીસ અનેSRP મળીને 800થી વધુનો સ્ટાફ તૈનાત

જૂનાગઢના વિસાવદર વિધાનસભા બેઠકની પેટા ચૂંટણીને ગણતરીના કલાકો બાકી છે,ત્યારે EVM મશીન અને સ્ટાફની ફાળવણીની પ્રક્રિયા ચૂંટણી વિભાગ દ્વારા પૂર્ણ કરવામાં આવી હતી.

જૂનાગઢના વિસાવદર વિધાનસભા બેઠકની પેટા ચૂંટણી તારીખ 19મી જૂનના રોજ યોજાનાર છે.ત્યારે આજરોજ વિસાવદર વી.ડી.પટેલ સંકુલથી જૂનાગઢ - વિસાવદર વિધાનસભા પેટા ચૂંટણી અંતર્ગતEVM મશીન અને સ્ટાફ ફાળવણીની પ્રક્રિયા શરૂ કરાઈ હતી,કુલ 294 બુથ મતદાન મથકનો સમાવેશ થાય છે, હાલ વહીવટી વિભાગનો 1500 જેટલો સ્ટાફ ફાળવવામાં આવ્યો છે,તેમજ 800થી વધુ પોલીસકર્મીનો સ્ટાફ મતદાન મથક પર તૈનાત રહેશે, 294 બુથ પરEVM મશીન તેમજ અન્ય સામગ્રી પહોંચાડવામાં આવી હતી, તેમજ બંદોબસ્ત માટે પોલીસ ઉપરાંતSRPની 3 ટુકડી  તૈનાત રહી ફરજ બજાવશે.

વિસાવદર વિધાનસભા પેટા ચૂંટણી અંતર્ગત 161 ગામડાઓનો સમાવેશ થાય છે, હાલ ચૂંટણી પ્રક્રિયા માટે તંત્ર દ્વારા તમામ તૈયારીઓ પૂર્ણ કરવામાં આવી છે.તારીખ 19 જૂન સવારે 7 વાગ્યાથી મતદાન શરૂ થશે.જે સાંજના 6 વાગ્યા સુધી ચાલશે.ચૂંટણી સ્ટાફ માટે સ્થળ પર જ રહેવા અને જમવાની વ્યવસ્થા કરવામાં આવી છે.