સાબરકાંઠા : ઓવરબ્રિજની કામગીરી દરમિયાન વધુ પડતું ડસ્ટીંગ ઉડતા સ્થાનિક રહીશો ત્રાહિમામ,સ્થાનિકોની પોલીસ સ્ટેશનમાં રજૂઆત

• પ્રાંતિજમાં ઉડતી ધૂળની ડામરીઓથી પરેશાની

• સ્થાનિક રહીશો ત્રાહીમામ પુકારી ઉઠ્યા

• ઓવરબ્રિજની કામગીરીને પગલે પરેશાની

• સ્થાનિક રહીશોના સ્વાસ્થ્ય ઉપર અસર

• સ્થાનિકોએ પોલીસ મથકમાં કરી રજૂઆત

સાબરકાંઠા જિલ્લાના પ્રાંતિજ ત્રણ રસ્તા પાસે બની રહેલા ઓવરબ્રિજના કામને લઈને રોડની બંને બાજુએ આવેલ સોસાયટીના રહીશો ડસ્ટ ઉડવાને લઈ ને તોબા-તોબા પોકારી ઉઠયા છે. અને વારંવારની રજૂઆત બાદ પણ આ સમસ્યાનો કોઈ નિકાલ આવ્યો નથી.

સાબરકાંઠા જિલ્લાના પ્રાંતિજ નેશનલ હાઈવે ઉપર છેલ્લા ચાર વર્ષથી સિક્સ લાઇન રોડનું કામ ચાલી રહ્યું છે. અને ઓવરબ્રિજનું નિર્માણ થઈ રહ્યું છે.તો અહીંથી રાત્ર-દિવસ વાહનો દોડતા હોય ધુળની ડમરીઓ ઉડે છે અને જેના કારણે રોડની બંને બાજુએ આવેલી સોસાયટીઓ તથા ખેડૂતો ત્રાહિમામ પોકારી ઉઠયા છે. અને મકાનના બારી બારણા રાત-દિવસ બંધ રાખવા પડી રહ્યા છે.

આ કામગીરીને પગલે ધુળની ડમરીઓ ઉડવાના કારણે રહીશોના સ્વાસ્થ્ય માટે હાનિકારક હોય આ વિસ્તારના રહીશો શરદી,ઉધરસ સહિત નાની મોટી બીમારીઓમાં સપડાય રહ્યા છે. જ્યારે ધૂળની ઉડતી ડમરીઓના કારણે ખેડૂતોને પણ ખેતીના પાકને નુકસાનનો ડર સતાવી રહ્યો છે.

આ વિસ્તારમાં આવેલ સોસાયટીના રહીશોએ અનેકવાર રજૂઆતો કરવા છતાં પરિસ્થિતિમાં કોઈ જ સુધારો આવ્યો નથી,તેથી સ્થાનિક રહીશોએ મોટી સંખ્યામાં ભેગા થઈને પ્રાંતિજ પોલીસ સ્ટેશન ખાતે દોડી જઇ રજૂઆત કરી હતી.અને પોલીસે રોડ કોન્ટ્રાક્ટર સાથે ચર્ચા કરીને ફરિયાદનું નિરાકરણ લાવવાની ખાતરી આપી હતી.