સોમનાથ: તીર્થના દર્શન માટે ઓનલાઇન બુકિંગ કરતા પહેલા સાવચેત રહો

• સોમનાથ તીર્થના નામે ઓનલાઈન ઠગાઈ કરતા ઠગો સક્રિય 

• ઠગોથી સાવચેત રહેવા સોમનાથ ટ્રસ્ટની અપીલ 

• somnath.org પરથી જ બુકીંગ કરવા ભક્તોને અનુરોધ 

• ઓનલાઇન ઠગાઇનો વિડીયો વાયરલ થતા ટ્રસ્ટ આવ્યુ હરકતમાં

• Google Pay,QR કોડ પર કોઈ વ્યવહાર ન કરવા અપીલ   

પ્રથમ જ્યોતિર્લિંગ સોમનાથ તીર્થના બૂકીગના નામે ઓનલાઇન ચીટરો શક્રિય બન્યા છે.અને  દેશ વિદેશના ભાવિકોને ઓનલાઈન ઠગી રહ્યા છે. અનેક બનાવોમાં શ્રદ્ધાથી સોમનાથ આવનાર ભાવિકો બુકિંગના નામે છેતરાઈ રહ્યા છે. ત્યારે આ બાબતે હવે લોકોએ જાગૃત થવાની તાતી જરૂર છે.

દુનિયામાં આધુનિક ટેકનોલોજીએ લોકોને અનેક સુવિધાઓ આપી  છે. ત્યારે એ સુવિધાને ભેજાબાજ ઠગ લોકો ધંધાનું સાધન બનાવી અને લોકોને છેતરી રહ્યા છે.પ્રથમ જ્યોતિર્લિંગ એવા સોમનાથ કે જેમના અધ્યક્ષ દેશના વડાપ્રધાન નરેન્દ્ર મોદી અને ટ્રસ્ટી અમિત શાહ  છે. આમ છતાં આ ટ્રસ્ટને ઠગવામાં પણ ચીટરો સતત ભાવિકોને ઓનલાઈન ઠગી રહ્યા છે.આ ઘટના અંગે સોશિયલ મીડિયા પર જ દેવકી નામની એક મહિલાએ અમદાવાદના એક વ્યક્તિ સાથે થયેલ બુકિંગના નામે ચીટીંગનો વિડીયો વાયરલ કર્યો હતો, આ વિડીયો થકી લોકોમાં જાગૃતિ લાવવાનો તેમને સુંદર પ્રયાસ કર્યો છે.

વધુમાં છત્તીસગઢના દિનેશ નામના એક વ્યક્તિને સોમનાથ દર્શન માટે આવવું હતું ત્યારે તેમને ગૂગલ પર સોમનાથ સર્ચ કર્યું.અને તેમને અનેક નામો અનેક QR કોડ પર પૈસા મોકલવાનું જણાવવામાં આવ્યું.ત્યારે આ જાગૃત યુવાને વિચાર્યું કે સોમનાથ જેવું તીર્થધામ અને એમાં કોઈ એક જ વ્યક્તિના નામે વ્યવહાર કેમ કરવો? ત્યારબાદ તેમણે સોમનાથ ટ્રસ્ટની ઓફિસિયલ વેબસાઈટ (somnath.org) વેબસાઇટ પર બુકિંગ કરી અને પોતે આબાદ છેતરાતા બચ્યા હતા.આમ ઓનલાઈન પર વ્યવહાર કરવો જેમા"સાવચેતી જ સલામતી" એ સૌ લોકો માટે અનિવાર્ય છે.

આ અંગે સોમનાથ ટ્રસ્ટના જનરલ મેનેજર વિજયસિંહ ચાવડાએ જણાવ્યું છે કે ફ્રોડ બાબતે 250 થી વધુ પોલીસ ફરિયાદો પણ કરવામાં આવી છે.સોમનાથમાં ( somnath.org ) ઓફિસિયલ વેબસાઈટ સિવાય કોઈપણ પ્રકારની મોબાઈલ નંબર પર. Google Pay. QR કોડ.કે કોઈપણ વ્યવહાર કે બુકિંગ કરતા નથી.જેથી સોમનાથ આવનાર ભાવિકોએ (somnath.org) સિવાય કોઈપણ પ્રકારે વ્યવહારો ન કરવા સૂચન કરવામાં આવ્યું છે.