પાટણ: હારીજ ચાણસ્મા હાઇવે પર ટ્રેલર અને ઇકો કાર વચ્ચે ગમખ્વાર અકસ્માત,બેના મોત અને 7 થયા ઇજાગ્રસ્ત

પાટણ જિલ્લાના હારીજ ચાણસ્મા હાઇવે પર ટ્રેલર અને ઇકો કાર વચ્ચે ગમખ્વાર અકસ્માત સર્જાયો હતો,સર્જાયેલા અકસ્માતમાં બે વ્યક્તિના મોત નિપજ્યા હતા,જ્યારે 7 લોકોને ઈજાઓ પહોંચતા સારવાર અર્થે ખસેડવામાં આવ્યા હતા. 

પાટણ જિલ્લાના હારીજ ચાણસ્મા હાઇવે પર પેસેન્જર બેસાડીને દોડતી ઇકો કાર સાથે ટ્રેલર ધડાકાભેર અથડાયુ હતું.સર્જાયેલા માર્ગ અકસ્માતમાં ગંભીર ઈજાને પગલે ઘટના સ્થળ પર જ બે મુસાફરોના કરૂણ મોત નિપજ્યા હતા.જ્યારે 7 લોકો ઈજાગ્રસ્ત થતા 108ની મદદથી સારવાર અર્થે ખસેડવામાં આવ્યા હતા.ઘટના અંગેની જાણ થતાની સાથે જ પોલીસ કાફલો દોડી આવ્યો હતો,અને મૃતદેહોને પોસ્ટમોર્ટમ અર્થે ખસેડીને વધુ તપાસ શરૂ કરી હતી.