• પારનેરા ડુંગર સ્થિત મહાદેવ મંદિરમાં સર્જાય ઘટના

• મહાદેવના દર્શન માટે આવેલ ભક્તનું હાર્ટએટેકથી મોત

• મંદિરમાં હાજર અન્ય ભક્તોએ કિશોર પટેલનેCPR આપ્યું

• દુર્ઘટના મંદિરમાં લાગેલાCCTV કેમેરામાં કેદ થઈ

• મોભીનું મોત નિપજતા પરિવારમાં ગમગીન છવાઈ

વલસાડના પારનેરા ડુંગર સ્થિત મહાદેવ મંદિર ખાતે દર્શન કરવા આવેલ ભક્તનું હાર્ટએટેકથી મોત નિપજતા પરિવારમાં ગમગીન છવાઈ છે. છેલ્લા કેટલાક સમયથી રમતો રમી રહેલા યુવાન તેમજ તંદુરસ્ત લાગતા લોકોના હાર્ટએટેકથી મૃત્યુ નીપજવાની ઘટનાઓ સામે આવી રહી છે, ત્યારે વલસાડના પારનેરા ડુંગર સ્થિત મહાદેવ મંદિર ખાતે કિશોર પટેલ નામના વ્યક્તિ દર્શન કરવા માટે આવ્યા હતા.

કિશોર પટેલ શિવલિંગ પાસે બેસી અભિષેક કરી રહ્યા કરી રહ્યા હતા. તે દરમ્યાન હાર્ટએટેક આવતા તેઓ મંદિરમાં ઢળી પડ્યા હતા, ત્યારે મંદિરમાં હાજર અન્ય ભક્તોએ કિશોર પટેલનેCPR આપ્યું હતું. પરંતુ તેઓનું મોત નીપજયું હતું. જોકે, આ દુર્ઘટના મંદિરમાં લાગેલાCCTV કેમેરામાં પણ કેદ થઈ જવા પામી છે.ત્રે ઉલ્લેખનીય છે કે, કિશોર પટેલ નિયમિત પારનેરા ડુંગર ચઢી મહાદેવ મંદિર ખાતે દર્શન અને આરતી માટે જાય છે, ત્યારે કિશોર પટેલના આકસ્મિક મોતથી પરિવારમાં ગમગીની છવાઈ છે. હૃદયરોગ વિશેષજ્ઞોનું માનવું છે કે, જો શરીરનું યોગ્ય રીતે ધ્યાન રાખવામાં આવે અને કેટલીક સાવચેતીઓ રાખવામાં આવે તો આ પ્રકારે અચાનક મૃત્યુની ઘટનાઓને ટાળી શકાય છે.