• તિથલ રોડ પર આવેલ રિના પાર્ક એપાર્ટમેન્ટની ઘટના

• એપાર્ટમેન્ટના બીજા માળે મકાનમાં આગ ફાટી નીકળી

• આગની ઘટનાના પગલે આસપાસના લોકોમાં દોડધામ

• બનાવની જાણ થતાં ફાયર ફાઇટરો ઘટના સ્થળે દોડ્યા

• શોર્ટ સર્કિટના કારણે આગ લાગવાનું પ્રાથમિક અનુમાન

વલસાડ શહેરના તિથલ રોડ પર આવેલ એપાર્ટમેન્ટના બીજા માળે મકાનમાં આગ ફાટી નીકળતા લોકોમાં દોડધામ મચી જવા પામી હતી.

મળતી માહિતી અનુસાર, વલસાડ શહેરના તિથલ રોડ પર આવેલ રિના પાર્ક સોસાયટીમાં આગ લાગી હોવાની ઘટના સામે આવી હતી. રિના પાર્કમાં આવેલ B-1 એપાર્ટમેન્ટના બીજા માળે મકાનમાંથી ધુમાડા નીકળતા લોકોમાં અફરાતફરી મચી હતી. જોકે, અચાનક આગ ફાટી નીકળતા બનાવના પગલે વલસાડ પાલિકાના ફાયર ફાઇટરો તાત્કાલિક ઘટના સ્થળે દોડી આવ્યા હતા, જ્યાં પાણીનો મારો ચલાવી ભારે જહેમત બાદ સમગ્ર આગ ઉપર કાબૂ મેળવાયો હતો. અત્રે ઉલ્લેખનીય છે કે, છેલ્લા ઘણા સમયથી બંધ ફ્લેટ હોય, જેમાં શોર્ટ સર્કિટના કારણે આગ લાગી હોવાનું પ્રાથમિક અનુમાન લગાડવામાં આવી રહ્યું છે.