Connect Gujarat
ગુજરાત

વલસાડ : નવનિયુક્ત જિલ્લા કલેક્ટર તરીકે ક્ષિપ્રા અગ્રેએ હોદ્દાનો અખત્‍યાર સંભાળ્યો

વલસાડ : નવનિયુક્ત જિલ્લા કલેક્ટર તરીકે ક્ષિપ્રા અગ્રેએ હોદ્દાનો અખત્‍યાર સંભાળ્યો
X

તાજેતરમાં વલસાડ જિલ્‍લાના કલેકટર આર.આર.રાવલ ગત તા. 30મી જૂને વયનિવૃત્ત થતાં જિલ્લા કલેકટર વલસાડ તરીકે બઢતીથી નવનિયુકત થયેલા વર્ષ 2013ની બેચના ક્ષિપ્રા અગ્રે (આઇ.એ.એસ.)એ આજે તા. 1લી જુલાઇના રોજ તેમના વલસાડ જિલ્લા કલેક્ટર તરીકેના હોદ્દાનો અખત્‍યાર સંભાળી લીધો છે.

નવનિયુકત વલસાડ કલેકટર ક્ષિપ્રા અગ્રેએ તેમની કારર્કિદીની શરૂઆત વલસાડ જિલ્‍લા ખાતેથી વર્ષ 2015માં શરૂ કરી હતી. તેઓ વલસાડ પ્રાંત તરીકે તા. 18મી ડિસેમ્‍બરથી એપ્રિલ-2017 સુધી રહ્યા હતા. વલસાડ પ્રાંત તરીકે તેઓનું જિલ્લાના વિકાસમાં યોગદાન ઘણું સારૂ રહયું હતું. ત્‍યારબાદ તેઓ ભરૂચ જિલ્લાના જિલ્લા વિકાસ અધિકારી તરીકે તા. 1લી મે વર્ષ 2017થી તા. 3જી સપ્‍ટેમ્‍બર 2019 સુધી રહયા હતા.

ભરૂચ જિલ્લા વિકાસ અધિકારી તરીકે તેમણે ભરૂચ જિલ્લામાં સારી કામગીરી કરી હતી, ત્‍યારબાદ સરકારએ તેમને સુરત ખાતે રીજીયોનલ કમિશનર મ્‍યુનિસિપાલીટીઝ તરીકે બદલી કરતાં તેઓએ 4થી સપ્‍ટેમ્‍બરથી 30મી જૂન સુધી સુરત ઝોનમાં આવતી તમામ જિલ્લાઓની નગરપાલિકાના વિકાસ માટે મહત્ત્વપૂર્ણ કામગીરી કરી હતી. કલેકટર ક્ષિપ્રા અગ્રે વલસાડ જિલ્‍લામાં પ્રાંત અધિકારી વલસાડ તરીકે જિલ્લાની પ્રજા માટે સફળ કામગીરી કરી હોઇ, તેઓને સરકારએ વલસાડ ખાતે બઢતીથી જિલ્લા કલેકટર તરીકે નિયુકિત આપતાં તેઓ વલસાડ જિલ્લાના વિકાસ માટે હવે તેમની કામગીરી કરશે.

Next Story
Share it