CM યોગીને ધમકી આપનાર મહિલાની ધરપકડ, કહ્યું હતું બાબા સિદ્દીકી જેવા જ હાલ કરીશું

યુપીના સીએમ યોગી આદિત્યનાથને મારી નાખવાની ધમકી આપનાર મહિલાની ધરપકડ કરવામાં આવી છે. મહિલાનું નામ ફાતિમા ખાન છે. તેણે શનિવારે મુંબઈ પોલીસ કંટ્રોલ રૂમને મેસેજ કર્યો હતો. જેમાં લખ્યું હતું- યોગી 10 દિવસમાં રાજીનામું નહીં આપે તો બાબા સિદ્દીકી જેવા જ હાલ કરીશું. 

વાસ્તવમાં, શનિવારે મુંબઈ પોલીસને એક ધમકીભર્યો મેસેજ મળ્યો હતો. આ પછી જ મુંબઈ પોલીસે યુપી પોલીસને માહિતી આપવાની સાથે તપાસ શરૂ કરી હતી.પ્રાથમિક તપાસમાં એવું પણ સામે આવ્યું છે કે મહિલા માનસિક રીતે સ્વસ્થ નથી. જો કે, આ સીએમ યોગી સાથે સંબંધિત મામલો હોવાથી મુંબઈ પોલીસ તમામ પાસાઓને ધ્યાનમાં રાખીને તપાસ કરી રહી છે.