પ્રેમ સબંધનો કરૂણ અંજામ, પ્રેમીએ પ્રેમિકાની હત્યા કરી મૃતદેહના કર્યા ૩૫ ટુકડા.!

દેશની રાજધાની દિલ્હીના મહેરૌલી પોલીસ સ્ટેશનની પોલીસે લગભગ છ મહિના પહેલા બનેલી હત્યાનો મામલો ઉકેલી નાખ્યો છે. પોલીસે આફતાબ નામના વ્યક્તિની ધરપકડ કરી છે. મળતી માહિતી મુજબ, મુંબઈમાં કોલ સેન્ટરમાં કામ કરતી વખતે આફતાબ અને શ્રદ્ધા વચ્ચે મિત્રતા થઈ હતી. દોસ્તી ધીરે ધીરે પ્રેમમાં બદલાઈ ગઈ. પરિવારજનોના વિરોધ પર બંને દિલ્હી ભાગી ગયા હતા. શ્રદ્ધાના પરિવારના સભ્યો સોશિયલ મીડિયા દ્વારા તેની માહિતી મેળવતા હતા. પરંતુ જ્યારે સોશિયલ મીડિયા પર અપડેટ્સ આવવાનું બંધ થઈ ગયું તો છોકરીના પિતા દિલ્હી પહોંચ્યા.

પુત્રી ન મળતાં દિલ્હી પોલીસમાં ફરિયાદ કરવામાં આવી હતી. શ્રદ્ધાના પિતાનો આરોપ છે કે તેમની પુત્રી મુંબઈમાં કોલ સેન્ટરમાં કામ કરતી હતી. અહીં તેની મુલાકાત આફતાબ નામના વ્યક્તિ સાથે થઈ અને તેમની મિત્રતા ખૂબ જ ગાઢ સંબંધમાં બદલાઈ ગઈ. બંને એકબીજાને પસંદ કરવા લાગ્યા પરંતુ પરિવારના સભ્યો તેનાથી ખુશ નહોતા, જેના કારણે તેઓએ તેનો વિરોધ કર્યો. આ વિરોધને કારણે તેમની પુત્રી અને આફતાબ મુંબઈ છોડીને દિલ્હી આવી ગયા અને અહીં છતરપુર વિસ્તારમાં રહેવા લાગ્યા.

ટેકનિકલ સર્વેલન્સની મદદથી દિલ્હી પોલીસે આફતાબની શોધ શરૂ કરી. જે બાદ એક ગુપ્ત માહિતીના આધારે આફતાબની ધરપકડ કરવામાં આવી હતી. પોલીસની પૂછપરછ દરમિયાન આરોપીએ જણાવ્યું કે, શ્રદ્ધા તેના પર લગ્ન માટે સતત દબાણ કરી રહી હતી, જેના કારણે તેમની વચ્ચે અવારનવાર ઝઘડા થવા લાગ્યા.

તેણે મે મહિનામાં તેની નિર્દયતાથી હત્યા કરી અને લાશના ટુકડા કરી જંગલમાં અલગ અલગ જગ્યાએ ફેંકી દીધા. પોલીસ સૂત્રોના જણાવ્યા અનુસાર, આફતાબે શ્રદ્ધાનું ગળું દબાવીને હત્યા કરી અને તેને ઘરમાં રાખી, કરવતથી તેના 35 ટુકડા કરી નાખ્યા. આ માટે આફતાબે એક નવું મોટું ફ્રીજ ખરીદ્યું અને લાવ્યો. 18 દિવસ સુધી રાત્રે બે વાગ્યે તે એક પછી એક મૃતદેહના ટુકડાને પ્લાસ્ટિકની થેલીમાં ભરીને ફેંકી દેતો હતો.