INDIA VS WEST INDIES : ચોથા વનડે મેચમાં ટીમ ઈન્ડિયાએ 224 રનથી જીતી મેળવી
વનડે ક્રિકેટમાં વેસ્ટ ઇન્ડીઝ વિરૂદ્ધ ભારતની સૌથી મોટી જીત
ભારતીય ટીમે વેસ્ટ ઇન્ડીઝ વિરૂદ્ધ પલટવાર કરતા ચોથા વનડે મેચને 224 રનથી જીતી લીધી છે. આ વનડે ક્રિકેટમાં વેસ્ટ ઇન્ડીઝ વિરૂદ્ધ ભારતની સૌથી મોટી જીત થઈ છે.
રોહિત શર્મા (162) અને અંબાતી રાયડુની સદી (100) બાદ બોલરોના ચુસ્ત પ્રદર્શનની મદદથી ભારતે વેસ્ટ ઇન્ડીઝ સામેની ચોથી વન-ડેમાં 224 રને ભવ્ય વિજય મેળવ્યો હતો. ભારતે પ્રથમ બેટિંગ કરતા 50 ઓવરમાં 5 વિકેટે 377 રન બનાવ્યા હતા. જવાબમાં વેસ્ટ ઇન્ડીઝ 36.2 ઓવરમાં 153 રનમાં ધરાશાયી થઈ ગયું હતું. આ જીત સાથે ભારતે પાંચ મેચની શ્રેણીમાં 2-1થી લીડ મેળવી લીધી છે. બંને વચ્ચે શ્રેણીની અંતિમ અને પાંચમી વન-ડે 1 નવેમ્બરના રોજ રમાશે.
વેસ્ટ ઇન્ડીઝ રોહિત શર્માના સ્કોર 162ને પણ વટાવી શક્યું ન હતું. ભારત તરફથી કુલદીપ યાદવ અને અહમદે 3-3 વિકેટ ઝડપી હતી. ભુવી અને જાડેજાને 1-1 વિકેટ મળી હતી. વિન્ડીઝ તરફથી હોલ્ડરે સૌથી વધારે 54 રન બનાવ્યા હતા.
રોહિત અને રાયડુએ ત્રીજી વિકેટ માટે 211 રનની ભાગીદારી નોંધાવી હતી. રોહિતે 137 બોલમાં 20 ફોર અને 4 સિક્સર સાથે 162 રન બનાવ્યા હતા. રાયડુએ 81 બોલમાં 9 ફોર અને 4 સિક્સર સાથે 100 રન બનાવ્યા હતા. શિખર ધવન 38, વિરાટ કોહલી 16 અને ધોની 23 રને આઉટ થયો હતો. વેસ્ટ ઇન્ડીઝ તરફથી રોચે 2 વિકેટ, જ્યારે નર્સ અને પૌલે 1-1 વિકેટ ઝડપી હતી.
ભારતના સુકાની વિરાટ કોહલીએ ટોસ જીતીને પ્રથમ બેટિંગ કરવાનો નિર્ણય કર્યો હતો.