Connect Gujarat
ગુજરાત

ઝઘડીયા: વિજ થાંભલાના વાયરો પર ઝાડ પડતા વિજ કંરટ થી એક નું મોત

ઝઘડીયા: વિજ થાંભલાના વાયરો પર ઝાડ પડતા વિજ કંરટ થી એક નું મોત
X

ઝગડીયા તાલુકાના કાલીયાપુરા ગામમાં આજે વહેલી સવારે તાડનું ઝાડ એકાએક તૂટીને વીજપોલ પર પડ્યું હતું જેના કારણે વીજપોલ ભાંગી જતા તેના જીવંત વાયર ઘરની બહાર દાતણ પાણી કરવા બેઠેલા ચંપકભાઈ માધવભાઈ પર પડતા તેને કરંટ લાગ્યો હતો. તેને નજીકની સરકારી હોસ્પિટલમાં તેને લઇ જવાતા સારવાર મળે તે પહેલાજ તેનું મોત થયું હતું.

ઝગડીયા તાલુકાના કાલીયાપુરા ગામે રહેતા ચંપકભાઈ માધવભાઈ વસાવા આજે વહેલી સવારે ઉઠીને તેમના ઘરના આંગણામાં દાતણ પાણી કરી રહ્યા હતા, અચાનક તેમના ઘરની નજીક આવેલ તાડનું ઝાડ તૂટીને ઘરપાસે આવે વીજપોલ પર પડ્યું હતું, ઝાડ વીજપોલ પર પાડવાના કારણે વીજપોલ વચ્ચે થી ભાંગી ગયો હતો અને તેના જીવંત વાયર ઘરની બહાર દાતણ પાણી કરતા ચંપકભાઈ પર પડ્યા હતા જેથી જેમને જોરદાર કરંટનો ઝાટકો લાગ્યો હતો, ચંપકભાઈને કરંટ લાગવાની ઘટના થી તેમના પરિવારજનો એકઠા થયા હતા અને તેમને બહાર કાઢયા હતા, ઈજાગ્રસ્ત ચંપકભાઈને સારવાર અર્થે ૧૦૮ એમ્બ્યુલન્સ મારફતે ઉમલ્લાના સરકારી દવાખાને લઇ જવાય હતા જ્યાં સારવાર મળે તે પહેલાજ તેમનું મોત થયું હતું, વીજ કરંટ લાગવાની ઘટના ની ફરિયાદ મરણ જનાર ચંપકભાઈના ભાઈ જસુભાઈ માધવભાઈ વસાવા એ ઉમલ્લા પોલીસ મથક માં કરી છે.

Next Story