મહારાષ્ટ્ર : મંદિરો ખોલવા માટે શિરડીથી સિદ્ધિવિનાયક સુધી ભાજપનો મોરચો

મહારાષ્ટ્રમાં ધાર્મિક સ્થળો ખોલવાની માંગ વધી છે. ભારતીય જનતા પાર્ટી (ભાજપ) ના કાર્યકરોએ તેમની માંગણીઓ અંગે મંગળવારે મુંબઇમાં દેખાવો કર્યા હતા. મહારાષ્ટ્રના રાજયપાલ ભગતસિંહ કોશયારીએ મુખ્યમંત્રી ઉદ્ધવ ઠાકરેને પત્ર પણ લખ્યો છે.

મહારાષ્ટ્રમાં ધાર્મિક સ્થળો ખોલવાની માંગ વધી ગઈ છે. ભારતીય જનતા પાર્ટી (ભાજપ) ના કાર્યકરોએ તેમની માંગણીઓ અંગે મંગળવારે મુંબઇમાં દેખાવો કર્યા હતા. આ ઉપરાંત શિરડીમાં સાધુ-સંતો ભૂખ હડતાલ પર બેઠા છે. આ સાથે જ રાજ્યપાલ ભગતસિંહ કોશ્યારીએ સીએમ ઉદ્ધવ ઠાકરેને એક પત્ર લખ્યો છે.

મહારાષ્ટ્રના રાજ્યપાલ ભગતસિંહ કોશ્યારીએ મુખ્યમંત્રી ઉદ્ધવ ઠાકરેને પત્ર લખીને ધાર્મિક સ્થળો ખોલવા કહ્યું છે. રાજ્યપાલ ભગતસિંહ કોશ્યારીએ કહ્યું કે 1 જૂનથી તમે મિશન ફરી શરૂ કરવાની ઘોષણા કરી હતી, પરંતુ ચાર મહિના પછી પણ, પૂજા સ્થળો ખોલી શક્યા નથી.

રાજ્યપાલ ભગતસિંહ કોશ્યારીએ કહ્યું કે, વ્યંગાત્મક વાત છે કે એક તરફ સરકારે બાર અને રેસ્ટોરન્ટ ખોલ્યા છે, પરંતુ બીજી તરફ દેવી-દેવતાઓના સ્થળ ખોલ્યા નથી. તમે હિન્દુત્વના પ્રબળ પક્ષધર રહ્યા છો. તમે ભગવાન રામ માટે તમારી ભક્તિ જાહેરમાં વ્યક્ત કરી હતી.

રાજ્યપાલ ભગતસિંહ કોશ્યારીએ કહ્યું કે તમે અષાઢી એકાદશીના વિઠ્ઠલ રુકમણી મંદિરની મુલાકાત લીધી હતી, શું તમે અચાનક પોતાને ધર્મનિરપેક્ષ બનાવી લીધા છે? જે શબ્દથી તમને નફરત છે? દિલ્હીમાં પૂજા સ્થળો ખોલવામાં આવ્યા છે પરંતુ કોવિડ -19 કેસોમાં વધારો થયો છે.

દરમિયાન ભાજપના અધ્યાત્મ સેલના મહંતોએ સાંઈ મંદિર ખોલવા શિરડીમાં એક દિવસીય ઉપવાસ શરૂ કર્યા છે. કોરોનાને કારણે રાજ્યના તમામ મંદિરો સાત મહિનાથી બંધ છે. એક તરફ સરકારે દારૂની દુકાનો ખોલી છે, પરંતુ મંદિર બંધ હોવાને કારણે નિરાશ સંતોએ ઉપવાસ શરૂ કર્યા છે.