પાનોલી સ્થિત પ્રોલાઈફ ઈન્ડસ્ટ્રીઝ ખાતે યોજાયો ધ્વજવંદન કાર્યક્રમ

કંપનીનાં સિનિયર કર્મચારીઓનું એમડી દ્વારા સન્માન કરવામાં આવ્યું

પાનોલી જીઆઈડીસીમાં આવેલી પ્રોલાઈફ ઈન્ડસ્ટ્રીઝ ખાતે આજરોજ 72માં સ્વાતંત્ર પર્વ નિમિત્તે ધ્વજવંદન કરવામાં આવ્યું હતું. આ કાર્યક્રમમાં પ્રોલાઈફ કંપનીના તમામ કર્મચારીઓ જોડાયા હતા. કંપનીનાં એમ઼ડી એમ. એસ. જોલી સરનાં હસ્તે ધ્વજવંદન કરવામાં આવ્યું હતું.

આ પ્રસંગે કંપનીનાં સિનિયર વર્કરોનું લોંગ સર્વિસ એવોર્ડ સાથે સન્માન કરવામાં આવ્યું હતું. તો બીજી તરફ પર્યાવરણ બચાવવાના સંદેશ સાથે કંપનીમાં પોતાના ઘરેથી સાયકલ લઈને આવતાં કર્મચારીઓને પણ બિરદાવવામાં આવ્યા હતા. આ પ્રસંગે યોગેશ પારીક સહિત કંપનીનાં કર્મચારીઓ ઉપસ્થિત રહ્યા હતા.