શું તમે ભારત- પાક મેચની નકલી ટિકિટ તો નથી ખરીદીને, જાણો કેમ ઓળખાશે અસલી નકલી વચ્ચેનો ભેદ.....

ભારત અને પાકિસ્તાન વચ્ચેની મેચ અમદાવાદના નરેન્દ્ર મોદી સ્ટેડિયમમાં રમાશે. બંને ટીમો વચ્ચે 14 ઓક્ટોબરે મેચ રમાવાની છે.ક્રિકેટ ચાહકોમાં ભારત-પાકિસ્તાન મેચની ટિકિટોની ઘણી માંગ છે. જો કે આવી સ્થિતિમાં ક્રિકેટ ચાહકો નકલી ટિકિટનો શિકાર બની રહ્યા છે. છેતરપિંડી કરનારાઓ ચાહકોની માંગનો મોટો ફાયદો ઉઠાવી રહ્યા છે. ભારત-પાકિસ્તાન મેચની નકલી ટિકિટોનું બજાર સતત વધી રહ્યું છે. તો શું તમારી પાસે રહેલી ટિકિટ નકલી તો નથી ને? શું તમે પણ આ છેતરપિંડીનો શિકાર તો નથી બન્યા?

અસલી અને નકલી ટિકિટ વચ્ચેનો તફાવત કેવી રીતે ઓળખશો?

ડાયનામિક કલર-ઈન્ફ્યુઝ્ડ પેપર: ડાયનામિક કલર-ઈન્ફ્યુઝ્ડ પેપરનો ઉપયોગ ટિકિટમાં થાય છે. જો તમે ટિકિટ થોડી છેડછાડ કરશો કે ફાડશો તો ગુલાબી રંગ દેખાશે.

વાસ્તવમાં મેક્રો સિક્યુરિટી લેનને કાળજીપૂર્વક સંકલિત કરવામાં આવી છે, જેને માત્ર મેગ્નિફાઈંગ ગ્લાસની મદદથી જ જોઈ શકાય છે. આ રીતે તમે અસલી અને નકલી ટિકિટની ઓળખ કરી શકો છો.

આ સિવાય દરેક ટિકિટ એક વ્યક્તિગત બારકોડ સાથે આવે છે, જેના દ્વારા સરળતાથી ઓળખી શકાય છે કે ટિકિટ અસલી છે કે નકલી.

એક સ્પષ્ટ શૂન્ય સુવિધા ટિકિટમાં સામેલ કરવામાં આવી છે જેનાથી કોઇ પણ ફેરફાર સરળતાથી જાણી શકાય છે.

વર્લ્ડ કપમાં ભારત અને પાકિસ્તાન વચ્ચેની મેચની ટિકિટની બેફામ કાળાબજારી પણ શરૂ થઇ ગઇ છે. અમદાવાદમાં ભારત પાકિસ્તાનની મેચ પહેલા પોલીસે મોટી કાર્યવાહી કરી હતી. અમદાવાદ ક્રાઈમબ્રાન્ચે ભારત અને પાકિસ્તાન વચ્ચેની મેચની 150 બનાવટી ટિકિટ સાથે એક આરોપીની અટકાયત કરી હતી. નોંધનીય છે કે વર્લ્ડકપમાં ભારત અને પાકિસ્તાન વચ્ચે 14 ઓક્ટોબરના રોજ અમદાવાદમાં મેચ રમાશે.

પોલીસે અટકાયત કરાયેલા વ્યક્તિ પાસેથી 150 કરતા વધુ બનાવટી ટિકિટ કબ્જે કરી હતી. સારી ક્વોલીટીની પ્રિન્ટીંગ વાળી ટિકિટ સાથે એક યુવકની અટકાયત કરાઇ હતી. ઉલ્લેખનીય છે કે ભારત અને પાકિસ્તાન મેચની બે હજારની ટિકિટ 20 હજાર રૂપિયામાં અને 10 હજારની ટિકિટ એક લાખ રૂપિયા સુધી વેચાઈ રહી છે. સોશલ મીડિયા પર કેટલાક લોકોએ બનાવટી ટિકિટો વેચીને લોકોને છેતરવાના પ્રયાસો શરૂ કર્યા હતા.